» » МЕНТОР ДЕГЕН КІМ?

МЕНТОР ДЕГЕН КІМ?

   «Zhas project» жобасының менторы, Гәуһар ОМАРОВА:
   Бүгінде «ментор» ұғымы кәсіби жандардың арасында танымалдылыққа ие. Дегенмен бұл сөз көпке де түсінікті болсын деген ниетпен «Zhas project» жобасының менторы Гәуһар Омаровадан ментордың қызметі, міндеті жайында кеңінен сұрауды жөн көрдік.
Ауызекі тілде айтсақ, ментор – стартап жоба жетекшісіне ақысыз көмектесетін, кәсіби мақсатына жетелейтін адам. Кәсіпті алғашқы сәтінен бастап дөңгелету – кез-келгеннің қолынан келмейді. Ол – биік мақсаттың, тынымсыз еңбектің, білімге деген құштарлық пен мол тәжірибенің көмегімен бағынатын қамал. Әлемге танымал LinkedIn желісінің негізін қалаушы Рид Хоффман: «Стартапты бастау – өзіңді құздан лақтырып, сол уақытта сынған ұшақты құрастырумен бірдей» дегені бар.
Қандай адам ментор бола алады?
«Zhas project» жобасының менторы ретінде Ақтөбе, Шығыс Қазақстан, Жамбыл, Қостанай, Қызылорда,
Солтүстік Қазақстан облысында тұратын қоғамдық ұйым өкілі, әлеуметтік қызметкер, бизнес-кеңесші және кәсіпкерлер қатысады. Бұл бағдарлама жастарды кәсіп ашуға үйрету және ментор мен жобаға қатысушы арасында ең бастысы сенім мен сыйластық қағидасына негізделген.
Міндеті қандай?
Біріншіден, қатысушыларға айына бір рет сабақ өткізуі керек. Екіншіден, олармен әрдайым байланыста болу. Үшіншіден, бағдарламаның ғаламтордағы веб-порталына атқарылған жұмыс нәтижесін жүктеп отыру. Жұмыс уақытына келсек, ментор 3 күндік тренингтен өткеннен кейін бағдарламаға алты ай бойы қатысады.
Ментордың қажеті бар ма?
АҚШ-тың Еndeavor компаниясы жуырда Нью-Йорктегі стартап жоба жетекшілерінің арасында тәжірибе жүргізді. Олар мың стартап жобаны зерттеп, нәтижесінде соңғы 10 жылда Нью-Йорктегі табысты компанияның 30 пайызымен ментор жұмыс істегенін анықтады. Мәселен, Стив Джобс өмірден озған кезде, Марк Цукерберг оны өзінің менторы болғанын айтты.
Сондықтан ұстазы бардың ұстамы жақсы деген халқымыздың даналығы бүгінде де актуалдылығын жоғалтпаған.
06 қыркүйек 2018 ж. 359 0

PDF нұсқалар мұрағаты

№ 39 (264)

27 қыркүйек 2018 ж.

№ 38 (263)

20 қыркүйек 2018 ж.

№ 37 (262)

13 қыркүйек 2018 ж.

Хабарландыру

Экономика

Ащы, ащы да болса тәтті

Ащы, ащы да болса тәтті

06 қыркүйек 2018 ж.
МЕНТОР ДЕГЕН КІМ?

МЕНТОР ДЕГЕН КІМ?

06 қыркүйек 2018 ж.

Жаңалықтар мұрағаты

«    Қазан 2018    »
ДсСсСрБсЖмСбЖс
1234567
891011121314
15161718192021
22232425262728
293031