» » «Astana Hub» тәжірибесімен бөлісті

«Astana Hub» тәжірибесімен бөлісті

   «Аstana Hub» халықаралық IT-стартап технопаркінің командасы «Startup Sapary» бағдарламасымен аймағымызға келді.
Облыстық «Жастар ресурстық орталығында» өткен маңызды кездесу 250-ден астам жасты жинап, технопарктің табысты тәжірибесімен танысуына мүмкіндік сыйлады. Сондай-ақ шараның басы-қасынан облыстық цифрлық технологиялар басқармасының басшысы Нәби Даужанов табылды.
– Сандық технологияға көшу бағытындағы бастамалар қай саланы да жандандырып жібереді. Қазір тың мамандықтар сұраныста. ІТ-маман, мерчендайзер, бета-тестер, SMM мамандар жоғары жалақыға ие. Мобильді қосымшалардың арнайы бағдарламасын жазатын маманды, әлеуметтік желі менеджерін іздеушілер көп. Неміс экономисті Клаус Шваб та төртінші өнеркәсіптік революцияға қатысты еңбегінде мұны бірнеше мысалмен келтірген. Осыны қаперден шығармай, үздіксіз ізденуге күш салу керек. Бүгінгі шара да дамуға қарқын береді деп есептеймін, – деді Н.Даужанов.
Әрі қарай сарапшылар IT-стартапты дамытудың қажетті дағдыларымен бөлісті. PR және маркетинг департаментінің директоры Даниэль Душманов тың идея арқылы табыстың шыңына көтерілу жолын көрсетсе, команда өкілі Насрулла Ахменов стартаптағы басты дүниеге тоқталды. Ол «Бизнесті ең төменгі капиталмен қалай бастауға болады?» деген сауалға өзінің тәжірибесін таразы басына тарта отырып жауап берді. Сырдың жас инноваторлары да қызықты ұсыныстарын ортаға салды. Екі күнге жалғасқан шарада қатысушылар ғылымға ден қойған талантты жастардың еңбегі ешқашан нәтижесіз қалмайтынына тағы бір көз жеткізді.
Расында, инновациялық экожүйені дамыту аясында ашылған «Astana Hub» технопаркінің дарындыларға берері көп. Ұйымдастырушылардың айтуынша, осы сапардың қорытындысы негізінде аймақтағы цифрландыру жұмыстары пысықталды.
19 қараша 2019 ж. 176 0

PDF нұсқалар мұрағаты

49-326

05 желтоқсан 2019 ж.

48-325

28 қараша 2019 ж.

47-324

21 қараша 2019 ж.

Хабарландыру

Хабарландыру

Хабарландыру

07 желтоқсан 2019 ж.
Байқаңыз – улы газ!

Байқаңыз – улы газ!

20 қараша 2019 ж.

Экономика

U-STUDY

U-STUDY

13 қазан 2019 ж.

Жаңалықтар мұрағаты

«    Желтоқсан 2019    »
ДсСсСрБсЖмСбЖс
 1
2345678
9101112131415
16171819202122
23242526272829
3031