» » Ауа-райы: Жаңбырдың соңы жабысқақ қарға ұласады

Ауа-райы: Жаңбырдың соңы жабысқақ қарға ұласады

   Синоптиктердің болжамынша, Қазақстанның батысы мен солтүстігінде жаңбыр жауады, деп хабарлайды Sputnik Қазақстан.
Қазгидромет ақпаратынша, батыс облыстарына жауын-шашын әкелген атмосфералық ағымдар шығысқа қарай ығысады. Соның әсерінен солтүстік өңірлерде жаңбыр жауады. 
"Қазақстанның қалған аймағында ауа райы жоғары атмосфералық қысымның ықпалында болады. Сондықтан мұнда күн ашық, оңтүстік, оңтүстік-шығыс және шығыста температура көтеріліп, солтүстік пен орталық облыстарда күн аздап суытады деп болжануда", — делінген хабарламада.
Қазгидрометтің мәліметінше, қыркүйектің үшінші онкүндігінде елдің солтүстік бөлігінде күн суытып, түнде үсік жүреді, жаңбырдың соңы жабысқақ қарға ұласады.
Басқа күндері ауа температурасы аз уақытқа көтеріледі: солтүстікте күндіз 15…25 градус, оңтүстікте 23…30 градусқа дейін болады.
Сөйтіп, қыркүйекте орташа ауа температурасы Батыс Қазақстан, Атырау, Маңғыстау облыстарында нормадан 1°С жоғары, ал Солтүстік Қазақстан, Ақмола, Павлодар және Шығыс Қазақстан облыстарында нормадан 1°С төмен, ал басқа өңірлерде норма шамасында болады деп болжанып отыр.

Дереккөз: https://sputniknews.kz/
26 қыркүйек 2018 ж. 607 0

PDF нұсқалар мұрағаты

21-350

28 мамыр 2020 ж.

19-348

14 мамыр 2020 ж.

18-347

07 мамыр 2020 ж.

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031