» » ВАКЦИНА АУРУДЫҢ АЛДЫН АЛАДЫ

ВАКЦИНА АУРУДЫҢ АЛДЫН АЛАДЫ

  Екпе егу – адамзатты жұқпалы аурулардан қорғау және алдын алу бойынша ең тиімді  іс-шаралардың бірі. Профилактикалық екпелермен   жоғары деңгейде қамту ұжымдық иммунитетті қалыптастырады, яғни екпе егу тек қана адамның өз денсаулығы ғана емес, қоғамның денсаулығына да әсер етеді. Екпе егудегі тағы бір тың серпіліс –  жаңадан «құрама вакциналардың» оңдіріп шығарылуы, ондай вакциналар бір ғана екпемен сәбилерді 5-6 жұқпадан бірден қорғауға мүмкіндік  береді, олар екпе егуден кейінгі жағымсыз жағдайлардың туындауын төмендетеді.
Барлық вакциналар Дүниежүзілік денсаулық сақтау ұйымымен ұсынылады, олар сапа мен қауіпсіздіктің халықаралық стандарттарына сәйкес сертификатталған. Туған сәттен бастап 18 айға дейін бала  туберкулез, вирусты гепатит В, полиомелит, көкжөтел, дифтерия, сіреспе, В типіндегі гемофильді таяқша, пневмококкты инфекция, қызылша, қызамық және эпидемиялық паротит  секілді ауруларға қарсы 11 екпе қабылдайды. 2 жаста бала А вирусты гепатитіне қарсы екпе салдырады. Мектеп табалдырығын аттайтын бала екі екпе салдыруы тиіс: біреуі көкжөтел, дифтерия, сіріспеге қарсы «Бустрекс» вакцинасымен, ал екіншісі қызылша, қызамық, эпидемиялық паротитке қарсы «КПК» вакцинасымен. Алғашқы оқу жылының қыркүйек айында (баланың 5-6 жасында) мектепте тек  туберкулезге қарсы екпелер ұйымдастырылады. 16 жаста және әр 10 жыл сайын азаматтар сіріспе мен дифтерияға қарсы қорғаныш екпесін қабылдайды. Вакцинациялаудың нәтижесінде соңғы 15 жылда Қызылорда облысында  дифтерия, полиомелит, сіріспе, көкжөтел аурулары тіркелмеген, А және В вирусты гепатиттердің және  қызамық пен эпидемиялық паротит ауруларының аурушаңдық көрсеткіштері едәуір төмендеді.
Соңғы жылдары ата-аналар арасында вакциналардың сапасына, егулердің қажеттілігіне теріс ұғым қалыптасып, екпе салдырудан бас тартқандардың саны  белең алып келеді. Осының салдарынан  екпелерден  бас тартқандардың  арасында вакцинамен басқарылатын жұқпалы аурулар, оның ішінде қызылша ауруының жиі тіркелуі орын алып отыр.  Ағымдағы жылдың 1 тоқсан қортындындысымен тіркелген қызылша ауруының  83%-ы қызылшаға қарсы  егілмеген.
2019 жылдың 1 тоқсан қорытындысымен дифтерия, сіреспе, көкжөтел, гемофильді инфекция және вирусты гепатит В ауруларына қарсы алғашқы вакцинациямен 4717 бала егілді, қызылша, қызамық және эпидпаротит ауруларына қарсы алғашқы екпесімен 5734 бала, 6 жастағы қайта егумен   8653 бала егіліп, мақсатты топтағы бала санына шаққанда қамту көрсеткіші 28,6%, сәйкесінше 49,3% құрады. Сонымен қатар құрөзек пен сіріспе ауруларына қарсы 6 жастағы 8415 бала, (46,7%),  16 жастағы 7198 жасөспірім (69%) және 11977 немесе жоспарға алынған ересектердің 68,2%-ы тиісті екпелерімен қамтылды.  Екпеден кейінгі асқыну жағдайлары орын алған жоқ.
ҚР ДСМ ҚДСК  Қызылорда облысы департаменті  2019 жылдың  сәуір айының 24-30 аралығында облыс тұрғындары арасында «Алдын ал. Сақтан. Егіл» ұранымен иммундау апталығының өткізілетінін хабарлайды. Егер сіздің отбасыңызда  2, 3, 4, 12, 18 айындағы, 6, 16 жастағы  және 26, 36, 46, 56 жастағы жоспарлы профилактикалық екпелерді уақытылы алмаған азаматтар болса, кез келген жақын орналасқан  емханаға барып, дәрігердің қарауынан өтіп, ҚР Ұлттық алдын ала егу кестесіне сәйкес тиісті екпесін алуға мүмкіндігі бар. Екпелердің барлығы тегін жүргізіледі.
Қызылорда облысы қоғамдық денсаулық сақтау департаменті
20 сәуір 2019 ж. 162 0

PDF нұсқалар мұрағаты

34-311

22 тамыз 2019 ж.

33-310

15 тамыз 2019 ж.

32-309

08 тамыз 2019 ж.

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031