» » Latyn qarpіn úırenemіz

Latyn qarpіn úırenemіz

  Alǵy sóz

Búgingi kún tártibine qoıylǵan eń ózekti, taǵdyrsheshti máseleniń biri – qazaq tilin latyn álipbıine kóshirý. Tarıhı tamyry tereń tuǵyrly tilimizdi túletip, sanamyzdy silkint­ken, zamannyń ózi talap etken bul bastama kópshiliktiń qyzý talqysyna tústi. Elbasymyz óz Joldaýynda «Biz 2025 jyldan bastap álipbıimizdi latyn qarpine, latyn álipbıine kó­shi­­rýge kirisýimiz kerek. Bul – ult bolyp sheshýge tıis prınsıpti má­sele. Bir kezde tarıh bederinde biz mundaı qadamdy jasaǵanbyz. Bala­la­rymyzdyń bolashaǵy úshin osyndaı sheshim qabyldaýǵa tıispiz jáne bul álemmen birlese túsýimizge, bala­la­rymyzdyń aǵylshyn tili men ınternet tilin jetik ıgerýine, eń bastysy – qazaq tilin jańǵyrtýǵa jaǵdaı týǵyzady», dep atap aıtqan bolatyn. Týǵan tilimizdiń tamyryna qan júgirtip, babalardyń amanat etken tilin urpaǵyna saf taza qalpynda jetkizýge bastaıtyn uly bastamany halqymyz saryla kútken edi. El ishinde latyn álipbıiniń biryńǵaı standartyn engizý máselesi boıynsha túrli is-sharalar ótkizildi. Zıaly qaýym ókilderiniń, til maıtalmandarynyń, tarıhshylardyń, ǵalymdardyń, sa­rap­shylardyń, jalpy buqaranyń oı-pikirleri ortaǵa salyndy. Latyn álip­bıiniń túrli nusqalary saralandy, álipbıdi jasaý barysynda qazaq tiliniń dybystyq júıesiniń saqtalýy, sonymen qatar ǵylymı prınsıpter negizge alyndy. Álipbıdi til mamandary áli de zertteý ústinde.
Jańa álipbıdiń bizdi jańa múm­kindikterge, zor jetistikterge bas­taı­tyny sózsiz. Sebebi latyn qar­pi – ǵylym men tehnıkanyń, ınter­net pen IT-tehnologıalardyń tili. Aqparat alý múmkindikteri ke­ńeıip, shet tilderden engen sózder ulttyq erek­shelikterimizge qaraı ıkem­de­le­ti­nin, kóp ultty halqymyzdyń birligin odan ári bekemdep, búkil túrki álemin biriktirýge kúsh salatynyn da atap aıtý kerek.
Qyzylorda oblysynyń tilderdi oqytý ortalyǵynyń mamandaryna jańa álipbıdi halyq arasynda keń qoldaný jumystaryn birizdendirý tapsyrmasy berilgen bolatyn. Tapsyrmaǵa sáıkes oqytýshy mamandar eń aldymen halyq arasynda latyn qarpindegi qazaq áripterine daǵdy qalyptastyrý maqsatynda jumys dápterin jasady. Bul ádistemelik qural latyn grafıkasyna negizdelgen qazaq álipbıiniń áripterin jazýǵa úıretý tehnıkasyn jetildiredi. Grafıkalyq tapsyrmalardy oryndaý arqyly til úırenýshi áripterdi durys jazýdy jáne olardyń baılanysyn ajyra­týdy úırenedi.
Barlyq til úırenýshilerge qazaq tilin úırený úderisinde sáttilik tileımin.
Qurmetpen, 
Qyzylorda oblystyq 
ishki saıasat 
basqarmasynyń basshysy 
Talǵat Tolybaıuly Mahanov.
 
Құрметті оқырман!
Бүгіннен бастап облыс­тық «Сыр бойы» және «Ақмешіт жастары» газеті жалпыхалықтық латын қарпіне үйрету жұмыстарын бастайды.
Бұл жоба ҚР Тілдерді дамыту мен қолданудың 2011-2020 жылдарға арналған мемлекеттік бағдарламасы негізінде Қызылорда облыс­тық ішкі саясат басқармасының «Қазақ әліпбиін латын графикасына көшірудің негізгі қағидаларын түсіндіру» әлеуметтік жобасы аясында қолға алынып отыр. Бұл әдіс­темелік құрал латын графикасына негізделген қазақ әліпбиінің әріптерін жазуға үйрету техникасын жетілдіреді. Графикалық тапсыр­маларды орындау арқылы тіл үйренуші әріптерді дұрыс жазуды және олардың байланысын ажыратуды меңгереді.
04 шілде 2019 ж. 238 1

Есқанат от 9 шілде 2019 15:37
Латын қаріпін үйрету және үйрену өте жақсы бастама. Біз жанұямызбен қолдаймыз.
Менен бір сұрақ.   Газет бетіндегі жұмыс дәптерін қалай толтырып жібереміз.Газет бетіндегі тапсырмаларды орындап суретке түсіріп почталарыңызға саламыз ба?Әлде сіздерден жұмыс дәптері ашылады ма? Рахмет.

PDF нұсқалар мұрағаты

42-319

17 қазан 2019 ж.

41-318

10 қазан 2019 ж.

40-317

03 қазан 2019 ж.

Хабарландыру

Хабарландыру

Хабарландыру

06 қазан 2019 ж.

Экономика

U-STUDY

U-STUDY

13 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031