» » Демалушылар балалармен бірге Алакөлдің аралында қалып қойды

Демалушылар балалармен бірге Алакөлдің аралында қалып қойды

  Шығыс Қазақстан облысында Алакөл жағалауына демалуға келген адамдар Аралтөбе аралында түнеуге мәжбүр болды, деп хабарлайды ҚазАқпарат тілшісі. 
ШҚО Төтенше жағдайлар департаментінің хабарлауынша, түнгі уақытта моторлы қайықпен серуенге шыққан топ жағадан 18 шақырым жердегі аралда қалып қойған. Көл бетінде дауыл тұрып, кері қайту қауіпті болғандықтан, демалушы топ құтқарушыларға хабарласып, кеңес сұраған.
 «Хабар бізге түнгі сағат 22.00 шамасында келіп түсті. Бұл кезде көл беті әлі тынышталмаған болатын. Сондықтан, кері қайту қауіпті еді. Жел басылған сәтте-ақ біз аралға жол тарттық. Таңғы сағат 5.00 кезінде 10 адамды аралдан таптық. Арасында балалар да бар. Абырой болғанда, ешқайсысына медициналық жәрдем қажет болмады», - деді департаментке қарасты №6 құтқару жасағының басшысы Нұржан Бажақов. Құтқарушылар аралда қалған адамдарды екі қайықпен кері алып қайтқан. Шомылу маусымы басталғаннан бері ТЖД мамандары облыс бойынша 23 адамның өмірін аман алып қалған.
05 тамыз 2019 ж. 297 0

PDF нұсқалар мұрағаты

12-341

27 наурыз 2020 ж.

11-340

19 наурыз 2020 ж.

10-339

14 наурыз 2020 ж.

Жаңалықтар мұрағаты

«    Наурыз 2020    »
ДсСсСрБсЖмСбЖс
 1
2345678
9101112131415
16171819202122
23242526272829
3031