» » Партияның айрықша қамқорлығында

Партияның айрықша қамқорлығында

  «Nur Otan» партиясының облыстық филиалында облыс әкімі, филиал төрағасы Қуанышбек Ысқақовтың төрағалық етуімен партиялық тыңдау өтті.
Жиында партияның «Қазақстан – 2021: Бірлік. Тұрақтылық. Жа­сампаздық» сайлауалды бағдар­ла­масының «Денсаулық» және «Білім» бағыттары мен Президенттің сайлауалды бағдарламасының жүзеге асырылуы сөз болды. Денсаулық және білім салалары бағдарламада партияның айрықша қамқорлық жасайтын салалары ретінде белгіленген.
– Осы орайда филиал жанын­да басым бағыттар бо­йынша аймақтық комиссиялар жұмыс атқарып келеді. Жа­қын­да аталған комиссиялар құ­­ра­мына қазіргі талаптарға сәйкес өзгерістер енгізіліп, жаңар­тылды, – деді аймақ басшысы.
Одан кейін облыстық білім басқармасының басшысы Майра Мелдебекова Білім беруді дамытудың 2016-2019 жылдарға арналған мемлекеттік бағдарламасы мен Президенттің сайлауалды бағдарламасының орындалу барысына тоқталды. Оның айтуынша, соңғы 6 жылда аймақта 69 мектеп салынды. Бүгінде Жаңақорған және Жалағаш аудандарында апатты жағдайдағы 2 мектептің құрылысы жүргізілуде.
Биылғы ерекшелік, мектептерде ыстық тамақ ұсыну, лагерьге жолдама беру, 1 класқа қабылдау механизмдері автоматтандырылды. Мұғалімдерді жұмысқа қабылдау процесі де электронды түрде жүргізіле бастады. Аз қамтылған от­басылардың балаларын қолдау мақсатында бірінші рет 6800 оқушы Қызылорда қаласында қоғамдық көлікте тегін жүретін болды. Бүгінде жаңартылған білім беру мазмұны бойынша 20 мың мұғалімнің 80 процентінің еңбекақысына 30-50 процент­тік үстемақы төленуде.
– 1 маусымнан бастап қызмет­керлердің жалақысы 30 процентке көбейді. Педагог мәртебесі туралы заң­ның қабылданатыны сала қызметкерлері үшін ең маңызды жаңалыққа айналды. Заң мұғалімдердің құқықтық және әлеу­меттік қорғалуына кепілдік беретіні анық. Заң жобасына байланысты тиісті ұсыныстарды жолдадық, – деді сала жетекшісі.
Сыр медицинасынан да сер­пінді бастамаларды байқауға болады. Әсіресе, құрылыс қарқыны бір то­ластаған емес. 2016-2019 жыл­дарға арналған мемлекеттік салалық бағдарламасының орындалуы жөнінде тарқатып айтқан облыстық денсаулық сақтау басқармасының басшысы Жақсылық Әбдусәметов жоспармен бөлісті.
– Бюджет және жеке инвестиция тарту есебінен 2026 жылға дейін 107 денсаулық сақтау нысанын салу және жөндеу, оның ішінде 87 нысан салу, 19-ын күрделі жөндеуден өткізу, 1 нысанды қайта жаңғырту көзделіп отыр. Жыл соңына дейін мемлекеттік-жекеменшік әріптестік аясында Қызылорда қаласында 400 келушіге арналған емхана, 6 дәрігерлік амбулатория және 1 фельдшерлік-акушерлік бекет пайдалануға беріледі, – деді ол.
Жиында, сондай-ақ, білім са­ла­сындағы бақылау шаралары, мектептердің санитарлық жағдайы, міндетті әлеуметтік медициналық сақтандыру жүйесін енгізу барысы жөнінде сала басшылары хабарлады. Қорытындысында облыс әкімі, партия филиалының төрағасы Қуанышбек Ысқақов білім және денсаулық сақтау саласында көрсетілетін қызметтердің сапасын қамтамасыз ету бойынша бірқатар тапсырмалар берді.

Назерке Саниязова.
11 тамыз 2019 ж. 77 0

PDF нұсқалар мұрағаты

34-311

22 тамыз 2019 ж.

33-310

15 тамыз 2019 ж.

32-309

08 тамыз 2019 ж.

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031