» » БЦЖ вакцинасы

БЦЖ вакцинасы

    Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті облыстық денсаулық сақтау басқармасымен бірлесіп, селекторлық режимде «Республика бойынша БЦЖ вакцинасын қолданудың тоқтатылуына байланысты жедел іс-шаралар ұйымдастыру» тақырыбында жұмыс отырысын өткізді. Аталмыш шараға облыстағы барлық аудандық және қалалық медициналық мекемелер басшылары қатысты.
Қызылорда облысының туберкулез ауруы бойынша эпидахуалының күрделі болуын ескере отырып, Қазақстан Республикасы Денсаулық сақтау министрлігінің 25.12.2017 жылғы №994 "Туберкулез бойынша медициналық көмек көрсетуді ұйымдастыру жөніндегі нұсқаулықты бекіту туралы» бұйрығы 3-тарауының 14-тармағын іске асыру, яғни жаңа туған нәрестені қауіпсіз ортада қабылдау мақсатында арнайы бұйрық дайындалып, құзырлы мекеме басшыларына тиісті тапсырмалар берілді. Сонымен қатар бастапқы медициналық-санитарлық көмек көрсету ұйымдарының жалпы тәжірибелі дәрігерлері, аймақтық фтизиопедиатрлар және Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің қалалық және аудандық басқармалары мамандарының өзара іс-қимыл алгоритмі әзірленді.
Бұдан бөлек, жұмыстық кездесу барысында облыс халқын қажетті ақпаратпен қамтамасыз ету мақсатында профилактикалық іс-шараларды белсендендіру, барынша иммундық-профилактикалық жұмыстарды жүргізіп, БЦЖ екпесі бойынша қазіргі қалыптасқан жағдай туралы дұрыс ақпарат берілу қажеттілігі айтылды. Медициналық қызметкерлерге егу алмаған балаларды жіті бақылауға алу тапсырылды.
Жұмыстық кездесу қорытындысымен БЦЖ вакцинасын алмаған жаңа туған нәрестелерді бақылау және олардың отбасы мүшелерінің туберкулезге қарсы тексерілуі бойынша атқарылған шараларды мониторингтеу үшін әр аптада штаб отырысын тұрақты өткізу туралы шешім қабылданды.
06 қыркүйек 2019 ж. 308 0

PDF нұсқалар мұрағаты

06-335

13 ақпан 2020 ж.

05-334

06 ақпан 2020 ж.

04-333

30 қаңтар 2020 ж.

Жаңалықтар мұрағаты

«    Ақпан 2020    »
ДсСсСрБсЖмСбЖс
 12
3456789
10111213141516
17181920212223
242526272829