» » Қазақстанда құжатқа қосарланған есім жазуға рұқсат берілді

Қазақстанда құжатқа қосарланған есім жазуға рұқсат берілді

   Қазақстанда құжаттарға қосарланған есім жазуға рұқсат берілді, деп хабарлайды ҚазАқпарат тілшісі.
Бұл туралы ҚР Парламенті Мәжілісінің депутаты Майра Айсина айтып берді. Жаңа өзгерістер «ҚР кейбір заңнамалық актілеріне мемлекеттік қызметтер көрсету мәселелері бойынша өзгерістер мен толықтырулар енгізу туралы» Заңында көрсетілген.
 «Қосарланған есім беру мәселесі қазақстандықтар арасында түсініспеушілік туғызып отыр. Яғни, бала құжатындағы әкесінің қосарланған есімі бойынша түзету енгізіліп отыр. Бұған дейін әкенің аты тек бірге жазылатын немесе қосарланған есімнің біреуі ғана берілетін. Яғни, әкесінің аты Асан-Әлі болып, дефиспен жазылса, бала құжатында Асанұлы немесе Әлиұлы не болмаса дефиссіз Асанәліұлы болып бірге жазылатын. Заң жобасында бұл мәселе қаралды және дефиспен жазуға рұқсат берілді», - деді Майра Айсина ҚР Президенті жанындағы Орталық коммуникациялар қызметінде өткен баспасөз мәслихатында.\
 Айта кетейік, 2019 жылдың 7 қарашасында Парламент Сенатының жалпы отырысында «Қазақстан Республикасының кейбір заңнамалық актілеріне мемлекеттік қызметтер көрсету мәселелері бойынша өзгерістер мен толықтырулар енгізу туралы» Заңы қабылданды. Заң жобасы Қазақстан Республикасының мемлекеттік көрсетілетін қызметтер саласындағы заңнамасын жетілдіру мақсатында әзірленді.
03 желтоқсан 2019 ж. 95 0

PDF нұсқалар мұрағаты

14-343

09 сәуір 2020 ж.

13-342

02 сәуір 2020 ж.

12-341

27 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930