» » Қазақстанда коронавирус жұқтырғандардың саны 35 адамға жетті

Қазақстанда коронавирус жұқтырғандардың саны 35 адамға жетті

  Алматыда коронавирус инфекциясын тағы екі адам жұқтырды, Қазақстанда сырқаттардың жалпы саны отыз бес адамға жетті
 Қазақстанда коронавирус жұқтырғандардың саны 35 адамға жетті. Бұл туралы денсаулық сақтау министрлігі мәлімдеді.
Алматы қаласында тағы 2 адам коронавирус індетін жұқтырғаны анықталды. Жалпы 35 науқас тіркелді, оның он сегізі – Нұр-Сұлтан қаласында, он жетісі – Алматы қаласында.
"Коронавирус жұқтырған тағы екі адам тіркелді. Оның біріншісі 1998 жылғы қыз, студент. 15 наурызда Стамбұл -Алматы рейсі арқылы ұшып келген болатын. Екіншісі 1974 жылғы әйел, 10 наурызда Мәскеуден ұшып келді. Екеуі де қазір стационарда, ем қабылдап жатыр. Жағдайлары жақсы", - деді министрліктің ресми өкілі Диас Ахметшәріп.19 наурыздан бастап Нұр-Сұлтан мен Алматы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия осындай шешім қабылдады.
Ішкі істер министрлігі Нұр-Сұлтан мен Алматы қалаларының айналасында көлік пен адам қозғалысын шектеу үшін арнайы блок-посттар орнатады.
Нұр-Сұлтан мен Алматыға осы қалаларда тіркелген азаматтар ғана кіре алады.
16 наурыздан бастап елімізде төтенше жағдай жарияланды, шектеу шаралары қабылданды. 

Sputnik.kz





18 наурыз 2020 ж. 30 0

PDF нұсқалар мұрағаты

13-342

02 сәуір 2020 ж.

12-341

27 наурыз 2020 ж.

11-340

19 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930