» » » Сақтық шаралары пысықталды

Сақтық шаралары пысықталды

Облыс бойынша биыл 8 адам суға кеткен, оның 2-еуі бала. Күнделікті күшейтілген бақылау нәтижесінде 13 тұрғын құтқарылған. Аймақтағы төтенше жағдайлар департаменті суға шомылу маусымы қарсаңында демалыссыз әрі үздіксіз жұмыс істеуде. Тіпті өрт сөндірушілер мен жергілікті полиция және еріктілер де осы жұмысқа тартылған. Өйткені су айдынындағы ескертуге құлақ аспайтындар көбейген. Белгіленбеген жерлерге шомылып, бақытсыздық жағдайға тап болу оқиғасы жиілеген. Бұл туралы облыстағы төтенше жағдайларға жауапты сала басшылары Өңірлік коммуникациялар қызметінің ақпарат алаңында мәлімдеді.
 – Департамент пен жедел құтқару жасағының қызметкері жазғы суға түсу маусымында қайғылы оқиға орын алмау үшін тынымсыз тер төгуде. Қазіргі кезде облыстың барлық аумағында кезекшілік таңғы сағат 08.00-ден түнгі 23.00-ге дейін ұйымдастырылуда. Тұрақты түрде жүргізіліп жатқан рейд, профилактикалық шараларға қарамастан суда қаза болғандардың саны азаяр емес, – деді Қызылорда облысы ТЖД бастығының орынбасары С.Молдақараев:
Сала мамандары судағы қауіпсіздік ережесі талаптарының сақталмауынан төтенше жағдайлардың болатындығын алға тартады. Баспасөз конференциясында судағы төтенше жағдайдың алдын алу үшін облыстың барша тұрғындарына судағы қауіпсіздік ережелерін қатаң сақтау және жағалауда балаларды қараусыз қалдырмау туралы баса айтылды.
Айгүл ӘЛІШЕРОВА
12 шілде 2018 ж. 604 0

PDF нұсқалар мұрағаты

06-335

13 ақпан 2020 ж.

05-334

06 ақпан 2020 ж.

04-333

30 қаңтар 2020 ж.

Жаңалықтар мұрағаты

«    Ақпан 2020    »
ДсСсСрБсЖмСбЖс
 12
3456789
10111213141516
17181920212223
242526272829