» » » Асылжан Мамытбеков жаңа қызметке тағайындалды

Асылжан Мамытбеков жаңа қызметке тағайындалды

Бұрынғы Ауыл шаруашылығы министрі Асылжан Мамытбеков Қазақстанның ет одағы төрағасы болып тағайындалды. Бұл туралы Үкімет үйіндегі баспасөз мәслихатында ҚР Ауыл шаруашылығы бірінші вице-министрі Арман Евниев айтты, деп хабарлайды ҚазАқпарат.
«Ол Қазақстанның ет одағының төрағасы болып тағайындалғаны туралы ақпарат бар. Біз қазіргі кезде барлық салалық одақтармен әрі бірлестіктермен тығыз жұмыстарды бастадық. Осы олрайда олармен бірлесе, салада қордаланған мәселелерді шешуге тырысудамыз», - деді Арман Евниев.
Оның сөзіне қарағанда, Ауыл шаруашылығы министрлігі жобалық кеңсені немесе ашық алаңды құруда. Оған сарапшылар мен бизнесмендер тартылады. «Оның ішінде Асылжан Сарыбайұлы да бізге көмектесуде, бұл ретте ол өзінің кеңестерін береді», - деді ол.
Естеріңізге сала кетейік, Асылжан Мамытбеков министр лауазымында 2011 жылдың сәуірінен 2016 жылдың мамыры аралығында болды. Бұдан бұрын хабарланғандай, 2017 жылғы желтоқсанның аяғында А. Мамытбеков «Астана Банкі» АҚ директорлар кеңесінен кеткендігі хабарланған еді.
31 қаңтар 2018 ж. 583 0

PDF нұсқалар мұрағаты

13-342

02 сәуір 2020 ж.

12-341

27 наурыз 2020 ж.

11-340

19 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930