» » » Сарапшы: Президент сапарының мақсаты — стратегиялық серіктестікті жаңа деңгейге көтеру

Сарапшы: Президент сапарының мақсаты — стратегиялық серіктестікті жаңа деңгейге көтеру


ҚР СІМ Америка Департаменті директорының орынбасары Ерлан Құбашев Мемлекет басшысы Нұрсұлтан Назарбаевтың АҚШ-қа жасаған ресми сапары туралы пікірімен бөлісті.
«Қазіргі уақытта АҚШ біздің стратегиялық серіктесіміз. Екіжақты және көпжақты өзара қарым-қатынастың барлық бағыттары бойынша қауырт жұмыс жүргізіліп жатыр. Бұған қоса, халықаралық аренада Қазақстан мен Мемлекет басшысы Нұрсұлтан Назарбаевтың абыройы артып келе жатқандықтан, бұл қарым-қатынасты дамытудың қажеттілігі туындап отыр. Ресми сапардың мақсаты - диалогты кеңейту және тереңдету арқылы стратегиялық серіктестікті жаңа деңгейге көтеру», - дейді сарапшы «ҚазАқпарат» ХАА тілшісіне берген пікірінде.
Дипломаттың пайымдауынша, сапар қорытындысы сауда-экономикалық серіктестіктің дамуына тың серпін берері анық.
«Бүгінгі таңда АҚШ Қазақстанның ірі сауда серіктестерінің бірі әрі қазақстандық экономиканың ірі инвесторы. Бұған қоса америкалық бизнес Қазақстанмен бұл байланысты нығайта түсуге мүдделік танытуда. Осыған байланысты сапар барысында инновациялық-технологиялық серіктестікті дамыту бойынша бірқатар бірлескен жобаларға қол қою жоспарланған», - дейді Құбашев.
Дипломат бұған қоса стратегиялық серіктестіктің негізі болатын бірсыпыра бағыттарды атады.
«Бүгінгі таңда екіжақты ынтымақтастық Қазақстан Президенті Нұрсұлтан Назарбаев пен АҚШ басшысы Дональд Трамптың 2017 жылдың 1 қыркүйегіндегі телефон арқылы сөйлесу кезіндегі келіссөздері аясында өрбіп келеді. Сол тілдесуден кейін стратегиялық серіктестіктің басым бағыттары ретінде қауіпсіздік, ядролық қарусыздандыру, сауда-экономикалық және инвестициялық серіктестік белгіленген болатын», - дейді сарапшы.
17 қаңтар 2018 ж. 390 0

PDF нұсқалар мұрағаты

42-319

17 қазан 2019 ж.

41-318

10 қазан 2019 ж.

40-317

03 қазан 2019 ж.

Хабарландыру

Хабарландыру

Хабарландыру

06 қазан 2019 ж.

Экономика

U-STUDY

U-STUDY

13 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031