Фото: instagram парақша
Шешуші сәтте Елдос Сметовке есе жіберген балуанға мемлекет басшысы арнайы келген, деп жазады inbusiness.kz сайты.
Франция президенті Эммануэль Макрон дзюдодан Париж Олимпиадасында күміс жүлдегер атанған Лука Мхеидзеге құрмет көрсетті.
Төртжылдықтың басты ойындарында 60 келіде финалға шығып, шешуші сәтте қазақстандық Елдос Сметовке есе жіберген балуанға мемлекет басшысы арнайы келген.
Финалдық белдесуді Макрон залда отырып тамашалаған еді. Француз балуаны жеңілгеніне қарамастан, ол өз елінің спортшысын құттықтап, өнеріне риза екенін жеткізді.
Лука Мхеидзе Олимпиадада барлығы 4 белдесу өткізді. Француз дзюдошысы 2020 жылы Токио Олимпиадасында Сметовпен бірге қола жүлде иеленген болатын. Париж додасында оның есімі фавориттер қатарына енген.
Өзге де жаңалықтарды оқу үшін Telegram арнамызға жазылыңыз!