Фото: РБК
АҚШ барлау қызметі ирандық хакерлер Республикалық партиядан президенттікке кандидат Дональд Трамптың сайлау штабының ішкі құжаттарын ұрлағанын анықтады, деп жазады inbusiness.kz сайиы.
Барлау қызметі құжаттар бұқаралық ақпарат құралдарына және қазіргі Мемлекет басшысы Джо Байденмен байланысты адамдарға жіберілді деп санайды.
Мәлімдеме АҚШ Федералды тергеу бюросының, ұлттық барлау директорының аппаратының және инфрақұрылымдық киберқауіпсіздік агенттігінің атынан жарияланған.
«Маусымның аяғы мен шілденің басында киберкеңістікте жұмыс істейтін ирандық шабуылдаушылар Президент Байденнің сайлауалды штабымен байланысты адамдарға электрондық хаттар жіберді. Онда Трамптың сайлауалды штабынан ұрланған электрондық құжаттаманың үзінділер қамтылған», – делінген хабарламада.
Америкалық барлау агенттіктерінің пікірінше, бұл хаттарды алушылардың оларға қандай да бір жолмен жауап бергені туралы ешқандай дәлел жоқ. Сонымен бірге, Иранмен байланысты ведомстволар хакерлер топтары маусым айынан бастап Трамптың штаб-пәтерімен байланысты «американдық БАҚ-қа материалдар жіберуге тырысуда» деп атап өтті.
Өзге де жаңалықтарды оқу үшін Telegram арнамызға жазылыңыз!