Аланияда салынып жатқан көпқабатты қонақүй ғимаратында өрт шықты, – деп хабарлайды Massaget.kz тілшісі A Haber-ге сілтеме жасап.
Телеарнаның хабарлауынша, куәгерлер өртті сөндірудің алғашқы әрекетін жасаған.
Әлеуметтік желілерде жарияланған видеодан аспанды қалай қара түтін басқанын көруге болады.
Куәгерлердің айтуынша, 12 қабатты ғимаратта жұмысшылар болған. Өрттен аман қалу үшін олар балкондарға шыққан.
Қонақүйге өртсөндірушілер келді. Ғимараттың жоғарғы қабатында қалып қойған жұмысшылар құтқарылды. Оларды эвакуациялау үшін крандар қолданылды.
Өртті сөндіру әлі жалғасып жатыр.
Өрттің себебі пісіру аппаратының жұмысы екені анықталды.
Өзге де жаңалықтарды оқу үшін Telegram арнамызға жазылыңыз!