Фото: 24.kg
KAZINFORM – Бішкектегі «Манас» халықаралық әуежайына бомба қойылғаны туралы хабарламаға байланысты ондағы адамдар эвакуацияланып жатыр.
Әуежай баспасөз қызметінің хабарлауынша, 22 мамыр күні сағат 13:10-да сағат 15:00-де жарылатын болжамды бомба туралы электронды хат келіп түскен.
«Қазір рейсті тіркеу тоқтатылып, адамдар әуежайдан эвакуацияланып жатыр. Рейстер әзірге тоқтатылған жоқ», – делінген әуежай хабарламасында.
Еске салсақ, бұған дейін Бішкектегі митингіден кейін Пәкістан азаматтары қазақ шекарасын кесіп өтпек болғанын жазған болатынбыз.
Өзге де жаңалықтарды оқу үшін Telegram арнамызға жазылыңыз!