Қиямет күні уақыты бір секундқа жылжыды. Бұл туралы Stan.kz ақпарат агенттігі хабарлайды.
2020 жылы сағат тілі 20 секундқа алға жылжып, «ядролық түн ортасына» дейін 100 секундты көрсетті. 2021 жылы қиямет уақыты өзгермеді, сол қалпында қалды. 2023 жылы «Қиямет күні» сағаты «ядролық түн ортасына» дейін рекордты көрсетішке жетіп, 90 секунд болды. 2024 жылы сағат тілі сол деңгейде қалды. Ал биыл ол 89 секундқа жылжыды.
“Атом ғалымдарының хабаршысы” басылымы ядролық қауіп дәрежесіне, климаттың өзгеру динамикасына, озық технологиялар мен биоқауіпсіздіктің даму деңгейіне сүйене отырып, мұны 1947 жылдан бері жасап келеді.
Ең тыныш уақыт 1991 жыл болды, ол кезде сағат тілі ядролық катаклизмнен 17 минутқа алыстады.
“Қиямет күні” уақыты ядролық қару, климаттың өзгеруі және басқа да қауіптерді қоса алғанда, жаһандық қауіп-қатерлер деңгейін көрсетеді. Бұл – әлемдегі жағдайға назар аударуды және әрекет етуді талап ететін сигнал. ChatGPT жасанды интеллекті бар чат-бот сағат тілі «ядролық түн ортасына» жақындағаннан кейін не болатыны туралы айтты.
«Ол әлемдегі проблемалардың қаншалықты ушығып жатқанын көрсетеді. Одан қорыққанша, тәуекелдерді қалай азайтуға және жаһандық сын-қатерлерге қарсы жұмыс істеуге болатынына назар аударған жөн. Бұл бейбітшілік бастамаларды, экологиялық жобаларды қолдау, халықаралық ынтымақтастықты дамыту және қарусыздану жөніндегі диалогқа қатысуды қамтуы мүмкін», – деп кеңес берді жасанды интеллект.
Өзге де жаңалықтарды оқу үшін Telegram арнамызға жазылыңыз!