Фото: видеодан алынды
20 маусым күні Мәскеуде қатты дауыл болды, бұршақ пен жаңбыр жауып, екпіні 23 м/с-қа дейін күшейетін жел соқты. Салдарынан 2 адам опат болып, 18 адам ауруханаға түскен. Бұл туралы Мәскеу тергеу комитеті мәлімдеді, деп хабарлайды “Адырна” ұлттық порталы.
Ақпаратқа сәйкес, бір күн бұрын Ресейдің Төтенше жағдайлар министрлігі торнадо мен найзағай болуы мүмкін деп шұғыл ескерту жасаған.
“Эдгар” дауылынан Мәскеудің инфрақұрылымы зардап шекті, сағатына 90 шақырым жылдамдықпен жүйткіген жел үйлердің шатырын ұшырған. 700-дей ағашты жұлып әкеткен. 300-дей көлік бүлінді. Қалада саябақтар мен мейрамханалардың жазғы алаңдары жабылды. 18 адам ауруханаға түскен. Үшеуінің жағдайы ауыр. Синоптиктер желдің күші 10 балға жеткенін айтады.
«Біз сондай-ақ құлаған ағаштар мен зақымданған көліктерді санап жатырмыз», – деді жедел қызмет өкілі.
Жергілікті ақпарат құралдарының жазуынша, әзірге ұшақтар ұшып жатыр. Бірақ кейбір рейстер бағытын өзгерткен.
Өзге де жаңалықтарды оқу үшін Telegram арнамызға жазылыңыз!