Қытайдың Фуюань қаласындағы Үшінші халықтық ауруханада алкоголизммен күресу үшін «айықтыру чипі» енгізілді, деп хабарлайды Zakon.kz.
China Daily мәліметінше, аталмыш «айықтыру чипі» — бұл алкогольге тәуелділікпен күресуге көмектесетін дәрі-дәрмекпен толтырылған түйіршіктер жиынтығы. Капсулалар дәрілік затпен бірге тері астына кішкентай тілік арқылы енгізіледі. Оның құрамында спиртке құмарлықты азайтып, рецидивтің алдын алуға көмектесетін налтрексон бар.
Түйіршіктер ұзындығы шамамен 1 см болатын тілік арқылы жергілікті анестезиямен енгізіледі. Процедура бес минуттан артық уақыт алмайды. Препарат енгізілгеннен кейін бірнеше сағаттан соң әсер ете бастайды және алты ай бойы біртіндеп бөлініп тұрады.
Өзге де жаңалықтарды оқу үшін Telegram арнамызға жазылыңыз!