Дереккөз және фото:«Адырна» ұлттық порталы.
25 шілде күні Иранның «Nahid-2» ғылыми-зерттеу және телекоммуникациялық жерсерігі Ресейдің «Союз» зымыраны арқылы ғарышқа сәтті ұшырылды, деп хабарлайды «Адырна» ұлттық порталы.
Бұл ұшыру Ресейдің «Восточный» ғарыш айлағынан жүзеге асырылды.
Жоба Иран Ғарыш агенттігінің (ИКА) тапсырысы бойынша жүргізіліп, Иран Ғарыштық зерттеулер орталығымен бірлесіп әзірленген. Ұшыру көпжерсеріктік халықаралық миссия аясында өтті. Бұл миссияға Ресейдің «Ионосфера-М3» және «Ионосфера-М4» спутниктері мен өзге елдердің тағы 18 жерсерігі кірді.
Ұшыру барысында зымыранның корпусына Иран Ғарыш агенттігінің ресми эмблемасы салынғаны ерекше назар аудартты. Бұл Иранның халықаралық ғарыштық миссияға ресми қатысуының белгісі ретінде қарастырылды.
«Nahid-2» жерсерігі бес жыл бойы орбитада жұмыс істеуге арналған. Оның басты ерекшелігі – орбита биіктігін өздігінен реттей алатын қозғалтқыш қондырғысының болуы. Бұл жүйе Жердің тартылыс күшіне байланысты орбитадан ауытқымауға көмектеседі. Қозғалтқыш Иранда толықтай ішкі ресурстармен жасалған және композиттік отын багы, жоғары қысымды клапандар, дәл басқарылатын қозғалтқыштар сынды алдыңғы қатарлы технологияларды қамтиды.
Сонымен қатар, спутник жылу оқшаулау мен электрлік тұрақтылықты қамтамасыз ететін полимер жабындары және арнайы ғарыштық желімдермен қапталған. Қуат көзі ретінде онда Иранда жасалған ұзақмерзімді литий-ионды аккумуляторлар орнатылған
Өзге де жаңалықтарды оқу үшін Telegram арнамызға жазылыңыз!