KAZINFORM – Жұма күні оңтүстіккореялық Samsung Electronics компаниясының кәсіподақ ұйымы ереуілге шықты. Технология конгломератының қызметкерлері жалақыны көтеруді сұраған. Аталған компания өкілдері құрылған уақыттан бастап 55 жылдан кейін алғаш рет мұндай қадамға барып отыр. Бұл туралы ВВС жазды.
28 мың мүшесі бар Samsung Electronics Ұлттық Одағы (NSEU) компанияның Сеулдегі қызметкерлері бейсенбі күні мемлекеттік мереке мен демалыс күндеріне сәйкес келетін жұма күні, яғни 7 маусымда бір күн жұмысқа шықпайтынын мәлімдеді.
Кәсіподақ өкілдері технологиялық алпауыт басшылығымен жалақыны көтеру және бонустар туралы келіссөздердің бірнеше бөлігі бұзылғанын айтты.
«Бүгінгі ереуілдің мақсаты – басшылықпен сөйлесіп, ортақ мәмілеге келу», – деді NSEU өкілі Ли Хен Кук Reuters агенттігіне берген сұхбатында.
Samsung Electronics бұл ереуілдің компанияның өндірісіне немесе іскерлік қызметіне әсер етпегенін айтты.
«Біз кәсіподақпен шын жүректен ынтымақтастық орнатып, келіссөз жүргізуді жалғастырамыз», – деп атап өтті компания өкілдері.
Өзге де жаңалықтарды оқу үшін Telegram арнамызға жазылыңыз!