KAZINFORM – Дональд Трамп Ақ үйдің Cопақ кабинетінде тілшілердің сұрақтарына жауап берді, деп хабарлайды ВВС.
Трамптың айтуынша, оның Ресей президенті Владимир Путинмен алғашқы кездесуі Сауд Арабиясында өтеді, бұл туралы олар телефон арқылы сөйлескен кезде келіскен.
Трамп қорғаныс министрі Пит Хегсеттің Украинаның НАТО-ға мүше болуы шындыққа жанаспайды деген пікірімен келісетінін айтты. Ол «пайдасыз» екенін қосып өтті.
Сонымен қатар, Трамп АҚШ-тың Украинаға көмек көрсетуді жалғастыратынын айтты, бірақ «біз оның қамтамасыз етілуін қалаймыз» деп мәлімдеді. Ол нақты қалай екенін ашып айтпады, бірақ бұған дейін Украина АҚШ-қа маңызды минералдарды жеткізуі керек деген ұсыныс жасаған еді.
Америка президенті Украинада атысты тоқтату «таяу болашақта» мүмкін және елде «қандай да бір сәтте» жаңа сайлау өтуі керек деп санайды. Украина заңына сәйкес, әскери жағдай кезінде сайлау өткізу мүмкін емес.
Өзге де жаңалықтарды оқу үшін Telegram арнамызға жазылыңыз!