Фото: istockphoto.com
16 ақпан күні елімізде ауа райы құбылмалы болады. Республиканың басым бөлігінде жауын-шашын күтілуде, деп хабарлайды Azattyq Rýhy «Қазгидромет» РМК-ға сілтеме жасап.
Атмосфералық фронттардың өтуіне байланысты еліміздің бірқатар өңірінде қар мен жаңбыр жауады. Мамандардың мәліметінше, кей өңірлерде ауа райы күрт өзгереді. Солтүстік-батыста қалың қар жауса, Оңтүстік Қазақстан облыстарында күндіз нөсер жаңбыр жауады деген болжам бар. Республика бойынша тек Шығыс Қазақстан облысында ғана жауын-шашынсыз ашық ауа райы сақталады.
Жауын-шашынмен қатар, еліміздің бірқатар өңірінде көріну деңгейі төмендеп, тұман түседі. Сондай-ақ, синоптиктер республика бойынша жел екпінінің күшеюі мүмкін екенін ескертті.
«Республиканың басым бөлігінде жауын-шашын болады. Тек елдің шығысында ғана ауа райы қалыпты сақталады», — деп нақтылады «Қазгидромет» РМК өкілдері.
Жолдағы көріну деңгейінің нашарлауына байланысты жүргізушілер мен жаяу жүргіншілерге сақтық шараларын сақтау маңызды.
Өзге де жаңалықтарды оқу үшін Telegram арнамызға жазылыңыз!