Сәлем, құрметті оқырман!
Бүгін мен сендерге өмірде кездесетін қиындықтар мен тұзақтарға қарсы ерлік пен күш-жігердің маңыздылығы туралы айтқым келеді. Өкінішке қарай, кейбір жастар есірткіге қызығушылық танытып, өздерінің болашағын қараңғы түнекке айналдырады. Бірақ өмірдің әрбір қиын сәтінде ерлік пен күш-жігер арқылы қиындықтарды жеңуге болатынын естен шығарып жатады.
Мысалы, бір жас жігіт қиын отбасылық жағдайға тап болды делік. Оның арманы жоғары білім алу болса да, түрлі қиындықтар мен материалдық қиындықтар оның оқуына кері әсер етті. Достарының есірткіге еліктеуі оның да бұл жолға түсіп кетуіне себеп болды. Алайда уақыт өте келе ол ерік-жігерін жинап, өміріндегі дұрыс бағытты тапты. Көмек алып, өз күшіне деген сенімі арттырып, жоғары оқу орнына түсіп, болашақтағы кәсіби маман болып қалыптасты. Оның ерлігі мен табандылығы – өмірге деген адалдықтың жарқын үлгісі.
Бұл мысал бізге үлкен сабақ береді. Қиындықтар кез келген адамға келеді, бірақ ерлік пен сенім қиындықтан шығудың кілті болып табылады. Әрбір адам өзінің арманы үшін күресу керек. Есірткі – бұл сенің болашағыңды зақымдайтын тұзақ, ал өмірді ерлікпен көркейтудің маңызы зор.
Мен де, жас ұрпақ ретінде, түзу жолмен жүріп, білім алып, жетістіктерге жету үшін табандылық танытамын. Ешқандай есірткі менің болашағымды бұзбайды, өйткені мен өзімнің күшіме сенемін және ерлікпен алға ұмтыламын.
Сен де ерлік танытып, өміріңді есірткісіз өркендет! Болашағыңды тек жақсы істермен, күш-жігермен және адалдықпен жарқыратуға тырыс!
Өзіңді қорға, арманыңды сақта!
Шынар ЕРТУҒАНҚЫЗЫ,
М. Горький атындағы
№16 мектеп-лицейдің
10-сынып оқушысы
Өзге де жаңалықтарды оқу үшін Telegram арнамызға жазылыңыз!