Журналистика – мәні терең мамандық
(арнау)

Журналист – ол мамандықтың ауыры,
Шыдамдылық,төзімділік керек бәрі.
Еліміздің жаңалықтар жаршысы,
Дер едім мен журналистер қауымы.

Даламенен қалаларды аралап,
Жақсы, жаман хабарларды саралап,
Жеткізеді халыққа әкеп барлығын,
Қиындық пен ауыржүкті арқалап.

Күні-түні тынбай еңбек ететін,
Дамыл таппай елге хабар беретін.
Еңбектері еленсін журналистің,
Жаңалықпен, хабарменен жететін.

Шаршамастан қызмет қылып халқына,
Қаламымен із қалдырды артына.
Бәрі де осы арқаларың сендердің,
Еш уайымсыз жүрген әрбір сәтттердің.

Бұл мамандық оңайырақ болмайды,
Бұл мамандық кейбірінде қолайлы,
Мамандықтың бәрі жақсы шынымен,
Көз тоқтатып қарасаң бір қырымен.

Ұйқас сөздер құрастырып ойына,
Жатталмаған сөздер қалды жайына.
Ұйқылары бара жатыр бұзылып,
Сіңіреді ауруларды бойына.

Ақшаларын адал жолмен табады,
Елімізді алаңдатып қояды.
Осындай журналистер арқасында,
Еліміздің көңілі жай табады.

Журналистер еңбегі зор адамдар,
Олар барда халықты кім жамандар?!
Еңбектері еш кетпесін, қалмасын,
Биік шыңды бағындырып, талмасын!

Тәуелсіздік

Желтоқсанның сол ызғарлы күндері,
Мұз үстінде болған айқас түндегі.
Қазағымның ар-намысын қорғауға,
Шықты айқасқа өр-намысшыл ерлері.

Осы айқаста қаншама жан езілді,
Қанша ағаштың жас бұтағы кесілді.
Қайран жастар қыршын кетті- ау өмірден,
Бірақ олар абыройын бермеді.

Өмірлерін елі үшін сарп еткен,
Елі үшін еш аянбай қан төккен.
Әруағы риза болсын жастардың,
Қазағына өшпейтұғын ән сепкен.

Желтоқсанның қаһарманы батыры,
Қайрат, Ләззат, Сәбирадай ақылды.
Қыршындардың гүлдей солды- ау жас жаны,
Қазағымның жайнай берсін аспаны.

Тәуелсіздік бізге оңай келген жоқ,
Қыршын жастар қайта өмірге келген жоқ.
Ел намысын қорғаған жастарымның,
Өзі өлгенмен мәңгі аты өлген жоқ.

Қазағымның аты әлемге жайылсын,
Сол соғыстың аты мәңгі жойылсын.
Бейбітшілік орнасын бар әлемде,
Әділеттік жер жүзіне жайылсын.

Егеменді ел болдың сен бүгінде,
Енді қайтып ешқашан да сүрінбе.
Қазақ елім құлпыра бер гүлденіп,
Өсе берсін, өсе берсін мәртебең.

Қазақстан – ұлы елім, байтақ елім,
Кіндік кесіп, аунап-қунап жатқан жерім.
Аспаныңда ақ құсың қалықтасын,
Өсе бер, өркендей бер өскен жерім!

Нұрайна Жүсіпбекова

Қызылорда қаласы, №253 орта мектеп
9 «Ә» сынып оқушысы
Жетекшісі: Уразалиева Аида Турганбаевна

 

Өзге де жаңалықтарды оқу үшін Telegram арнамызға жазылыңыз!