Білім министрі жобаның қалай жүзеге асатынын түсіндірді.

Білім және ғылым министрі Асхат Аймағамбетов facebook желісіндегі кезекті жазбасында  соңғы жылдары балабақша тәрбиешісі мамандығына оқуға түсуге конкурс күрт төмендеп кеткенін хабарлады. Оның айтуынша, тәрбиешілердің жалақысы жыл сайын 25 пайызға өскенімен, базалық жалақының аздығынан ол әлі де болса жеткіліксіз болып отыр.

«Қазір біз бірнеше балабақшада пилоттық жоба бастадық. Бұл жоба бойынша екі тәрбиеші жарты күн емес, күні бойы жұмыс істеп, екі есе жалақы алады. Кейін пилоттық жоба нәтижесі бойынша шешім қабылданады», – деп жазды Асхат Аймағамбетов.

2021 соңында өткізілген мемлекеттік аттестаттациядан балабақшалардың 80 пайызы өте алмаған. Соған орай, келесі бірнеше бағытта балабақшаға талаптарды күшейту жұмыстары жүргізілмек:

  • Лицензиялауды қайтару. Бұл мәселе бойынша депутаттардың, қоғам мен мемлекеттік органдардың қолдауына үміт артамыз.
  • Жұмыс жағдайлары мен сапасын тексеріп, барлық балабақшаны аттестациядан өткізу.
  • Балабақшаларға мемлекеттік тапсырыстарды орналастыруға қойылатын талаптарды күшейту.
  • Мектепке дейінгі мекеме қызметкерлерінің кадрлық әлеуетін арттыру. Колледждер мен ЖОО-ларда мамандарды даярлау сапасын арттыру.
  • Мектепке дейінгі білім берудің жаңа моделі бойынша бағдарламалардың мазмұнын жаңарту.

 

Өзге де жаңалықтарды оқу үшін Telegram арнамызға жазылыңыз!