Дархан Қыдырәлі Парламент Сенатының депутаты болып тағайындалды. Бұл туралы Stan.kz ақпарат агенттігі хабарлайды.
«Мемлекет басшысының Жарлығымен Дархан Қуандықұлы Қыдырәлі Қазақстан Республикасы Парламенті Сенатының депутаты болып тағайындалды», – деп жазылған құжатта.
Мемлекет басшысының Жарлығымен парламент сенатының депутаты Асқар Оразалыұлы Шәкіровтің өкілеттігі тоқтатылды.
Дархан Қыдырәлінің еңбек жолы
2001-2005 ж. – Қ.А.Ясауи атындағы Халықаралық қазақ-түрік университетінде аға ғылыми қызметкер, ғалым-хатшы, кафедра меңгерушісі, аппарат жетекшісі, жетекші ғылыми қызметкер.
2005-2006 ж. Л.Н.Гумилев атындағы Еуразия ұлттық университетінде доцент, аға ғылыми қызметкер.
2006-2007 ж. Қазақстан Республикасы Президенттік мәдениет орталығында директордың орынбасары.
2007-2008 ж. Қазақстан Республикасы Білім және ғылым министрлігінде Министрдің кеңесшісі.
2008-2009 ж. Қазақстан Республикасы Президенті Әкімшілігінде сарапшы, сектор меңгерушісі ретінде қызмет атқарған.
2009-2012 жылдар арасында Қазақстан Республикасы Президенті Баспасөз хатшысының орынбасары болған.
2012 -2014 жылдары Түркі кеңесі Бас хатшысының орынбасары болып қызмет атқарды.
2014 жылдан бастап Халықаралық түркі академиясының президенті.
2015 жылғы 29 маусымнан Түркі әлемі Ұлттық ғылым академиялар одағы Хатшылығының басшысы қызметін қоса атқарады және аталған одақтың ұйымдастырушысы.
2015 жылы ЮНЕСКО-ның Париждегі штаб-пәтерінде «Қорқыт мұрасы және Түркі әлемі» атты халықаралық мәдени шараны, 2016 жылы Нью-Йорк қаласындағы Біріккен Ұлттар ұйымының штаб-пәтерінде «2030 Жоспары үшін Жібек жолы бойындағы жаңа синергия» атты халықаралық симпозиумды, және 2018 жылы «Рухани жаңғыру және мәдени мұра: қадымнан келешекке түркі тілі» халықаралық мәдени шараларын ұйымдастырды.
2016 жылдың шілдесінен «Егемен Қазақстан» республикалық газеті» акционерлік қоғамының Басқарма төрағасы.
2018 жылдың қыркүйегінде Халықаралық Түркі академиясының президенті лауазымына екінші мерізімге тағайындалды.
2022 жылдың қыркүйегінен бастап 2023 жылдың қыркүйегіне дейін ақпарат және қоғамдық даму министрі қызметін атқарған.
Өзге де жаңалықтарды оқу үшін Telegram арнамызға жазылыңыз!