Кәсіпкерлеріміз мемлекет мүддесін жоғары қоя білуі керек. Бұл туралы бүгін Ақордада отандық бизнес өкілдерімен кездесу кезінде Президент Қасым-Жомарт Тоқаев мәлім етті, деп хабарлайды ҚазАқпарат тілшісі.
«Түптеп келгенде, келешегіміз экономиканың мықты болуына байланысты. Осы орайда, кәсіпкерлеріміз мемлекет мүддесін жоғары қоя білуі керек», – деді Қасым-Жомарт Тоқаев.
Сонымен қатар Мемлекет басшысы барлығына бірдей әділ қызмет ету үшін ашық экономиканы қалыптастыру саясатын жалғастыратынын қадап айтты.
Бұл тұрғыда Президент «майшелпек» орындар мен лауазымдарды қайта бөліске салу деген болмайтынын және оған жол берілмейтінін атап өтті.
Бұған дейін хабарланғандай, Ақордада Қасым-Жомарт Тоқаев отандық бизнес өкілдерімен кездесіп жатыр.
Өзге де жаңалықтарды оқу үшін Telegram арнамызға жазылыңыз!