Мәжіліс Спикері Ерлан Қошанов парламенттік тыңдауда жақын арада жаңа Су кодексі енгізілетінін жариялады. Оның айтуынша, құжат су ресурстарын сақтауға және оларды тиімді пайдалануға бағытталады, деп хабарлайды Egemen.kz.

Ерлан Қошанов мемлекетаралық қатынастарды экологиялық қана емес, ұлттық қауіпсіздікті қамтамасыз етудің маңызды шарттарының бірі ретінде қарастыруды ұсынды.

«Көрші елдермен өзара тиімді ынтымақтастық орнату Қазақстанның су қауіпсіздігін қамтамасыз етуде шешуші фактор болуы тиіс», деді ҚР Парламенті Мәжілісінің спикері.

Ерлан Қошанов атап өткендей, бүгінде толыққанды мемлекеттік су кадастры жоқ, бұл су ресурстарының сандық және сапалық жағдайына мониторинг жүргізуді едәуір қиындатады және экономика салаларын сумен қамтамасыз етудің сенімді теңгеріміне ие болады.

Бүгінгі таңда су режимін, су ағындары мен су қоймаларын зерттеу үшін барлығы 310 гидрологиялық бекет жұмыс істейді.

Ол сондай-ақ су шаруашылығы инфрақұрылымы әртүрлі мемлекеттік органдардың қарауында екенін атап өтті. Мәжіліс спикерінің айтуынша, бұл су ресурстарына қатысты тиімді мемлекеттік саясатты жүргізуді қиындатады. Мәселен, сумен жабдықтау көздері – бұл жерасты, жерүсті және топтық су таратқыштар үшін экология, геология және табиғи ресурстар министрлігі, елді мекендерде сумен жабдықтауды дамыту үшін ҚР ИИДМ жауап береді, ал жоспарлау, салу және одан әрі пайдалану әкімдіктердің құзыретіне жатады.

«Алдағы уақытта Мәжіліске жаңа Су кодексін енгізу қажет. Менде бар ақпарат бойынша бұл кодекс әзірленіп жатыр. Ол жақын арада Парламентке енгізілуі тиіс. Ең бастысы, кодекс су ресурстарын сақтауға және оларды тиімді пайдалануға бағытталуы керек. Сондай-ақ елді мекендерде сумен жабдықтау және су бұру жүйелерін пайдалану, жобалау, салу және реконструкциялау жөнінде бірыңғай оператор құру қажет. «Қуатты өңірлер – ел дамуының драйверлері» ұлттық жобасын іске асыру шеңберінде бюджет шығыстарын жоспарлау кезінде сумен қамтамасыз етілу көрсеткіштері орташа республикалық деңгейден төмен өңірлерге қаражат бөлу қажет», деді Е. Қошанов.

 

Өзге де жаңалықтарды оқу үшін Telegram арнамызға жазылыңыз!