KAZINFORM – Сейсенбі, 7 қаңтарда жаңбыр мен қар түріндегі жауын-шашын, көктайғақ пен тұман күтіледі, деп хабарлайды Қазгидромет.
Астанада кей жерлерде қар жауып, көктайғақ болады.
Абай облысының шығысында және оңтүстігінде тұман түседі. Күндіз облыс орталығында қарлы боран соғады. Жел оңтүстік-шығыстан соғады, күндіз облыс орталығында екпіні 15-20 м/с жетеді.
Күндіз Ақмола облысының батысында, солтүстігінде және оңтүстігінде қалың қар жауады. Боран соғып, көктайғақ болады. Облыстың солтүстігі мен шығысында тұман түседі. Оңтүстік-шығыстан жел соғады, таңертең және күндіз батыстан солтүстік-шығысқа ауысады, облыстың оңтүстігінде 15-20 м/с, кейде екпіні 25 м/с жетеді.
Алматы облысының тау бөктерінде және таулы аймақтарында түнде тұман түсіп, жолдар көктайғақ болады. Орталықта күндіз оңтүстік-батыстан соғатын желдің екпіні облыстың шығысында 18 м/с.
Атырау облысының батысында, оңтүстігінде, шығысында тұман түседі.
Ақтөбе облысының оңтүстігінде түнде қалың қар жауады. Облыстың оңтүстігінде, орталығында және шығысында қарлы боран соғады. Облыстың батысы мен солтүстігінде тұман түседі.
Солтүстік-батыстан жел оңтүстікте, орталықта, облыстың шығысында 15-20 м/с екпінмен соғады.
Шығыс Қазақстан облысының батысында, солтүстігінде, оңтүстігінде тұман күтіледі.
Жамбыл облысында түнде таулы аймақтарда қар жауып, көктайғақ болады, күндіз жауын-шашын (жаңбыр, қар), көктайғақ, облыстың таулы аймақтарында қатты жауын-шашын (жаңбыр, қар) күтіледі. Облыстың солтүстігінде, оңтүстігінде, таулы аймақтарында тұман түседі. Оңтүстік-батыстан соғатын жел екіпіні облыстың таулы аудандарында 15-20 м/с, күндіз кей жерлерде 23-28 м/с дейін жетеді.
Жетісу облысының таулы аймақтарында түнде тұман күтіледі.
Күндіз батыста, Қарағанды облысының орталығында қалың қар жауады. Түнде облыстың батысы мен шығысында көктайғақ, күндіз бұрқасын болады. Облыстың батысында, оңтүстігінде және шығысында кей жерлерде тұман түседі. Күндіз оңтүстік-шығыстан соғатын жел екпіні 15-20 м/с.
Қостанай облысының оңтүстігінде түнде қалың қар жауады. Облыстың шығысы мен оңтүстігінде қарлы боран соғады. Облыстың батысы мен шығысында тұман түседі. Облыстың оңтүстігі мен шығысында оңтүстік-батыстан соғатын жел солтүстік-батысқа бұрылып, екпіні 15-20 м/с жетеді.
Қызылорда облысында жауын-шашын (жаңбыр, қар), көктайғақ күтіледі. Түнде шығыста, облыс орталығында тұман түседі. Оңтүстік-шығыстан соғатын жел түнде облыстың солтүстік-батысына қарай ауысады, күндіз облыстың басым бөлігінде 15-20 м/с, ал облыс орталығында екпіні 25 м/с болады.
Павлодар облысының шығысында түнде және таңертең тұман күтіледі.
Солтүстік Қазақстан облысында күндіз қар жауады деп күтілуде. Күндіз облыстың оңтүстігінде бұрқасын күтіледі. Облыстың оңтүстігінде, солтүстігінде және шығысында тұман күтіледі.
Түркістан облысында таңертең және күндіз жауын-шашын, облыстың таулы аймақтарында қатты жауын-шашын (жаңбыр, қар) күтіледі; Облыстың солтүстігінде, батысында, таулы аймақтарында тұман түседі. Жел оңтүстік-батыстан соғады, таңертең және күндіз солтүстік-батысқа ауысады, солтүстікте, батыста, оңтүстікте, облыстың таулы және тау бөктеріндегі аудандарында 15-20 м/с, облыстың таулы асуларында кей жерлерде 28 м/с жылдамдықта жел соғады.
Күндіз Ұлытау облысында жауын-шашын (жаңбыр, қар) күтіледі, батыста, солтүстікте және облыс орталығында қалың қар жауады. Түнде боран болып, күндіз қар жауып, көктайғақ болады.
Облыстың батысында, солтүстігінде және оңтүстігінде кей жерлерде тұман түседі. Күндіз облыстың батысында, солтүстігінде, оңтүстігінде оңтүстік-шығыстан соғатын жел екпіні 15-20, кей уақытта 23 м/с дейін жетеді.
Шымкентте таңертең және күндіз оңтүстік-батыстан соғатын жел солтүстік-батысқа ауысады.
Өзге де жаңалықтарды оқу үшін Telegram арнамызға жазылыңыз!