Облыс әкімі Нұрлыбек Нәлібаевтың төрағалығымен терроризмге қарсы күрес комиссиясының кезекті отырысы өтті, – деп хабарлайды облыс әкімінің баспасөз қызметі.
Онда «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының» Қызылорда облысында орындалуы қаралды.
Сондай-ақ, аймақты дінтанушы-теолог мамандармен қамтудың, шетелдік күмәнді теологиялық білім алудың тиімсіздігі туралы ақпараттық-түсіндірмелік жұмыстардың, Арал және Қазалы аудандарында деструктивті діни ағымдар профилактикасын ұйымдастырудың нәтижесі сараланды.
Мәжіліс қорытындысымен облыс әкімі сала басшыларына осы жұмыстарды қарқынды жүргізуді тапсырып, бірқатар міндеттер жүктеді.
Өзге де жаңалықтарды оқу үшін Telegram арнамызға жазылыңыз!