Вице-премьер Серік Жұманғарин қазақстандықтардың ұн бағасының өсуіне қатысты шағымына жауап берді. Ол журналистерге өнімнің орташа құны өзгермегенін айтты. Бұл туралы Stan.kz ақпарат агенттігі хабарлайды.

«Үй жанындағы дүкендердегі бағаның көтерілуіне келетін болсақ, орташа жағдайдағы адам аптасына төрт рет сауда жасайды. Үй маңындағы дүкендерде сатылатын өнімдердің бағасы қымбатырақ болады. Ол жерге тұрғындар шұғыл қажеттіліктері – бір бөлке нан мен бір қорап айран алуға барады. Ал қалыпты адам – демалыс күндері базарда немесе ірі супермаркеттерде сауда жасайды», – деді үкімет басшысының орынбасары.

Ол дүкендердегі бағалар «статистикалық зерттеу нысаны» бола алмайтынын жеткізді.

«Мұны толықтай зерттеуіміз керек. Сенуге болатын жалғыз мемлекеттік орган ұлттық статистика бюросының мәліметтерін қарауымыз керек», – деді Жұманғарин.

Вице-премьер мемлекет ең маңызды 100 тауар бойынша тауарлық бағаның сақталуын қадағалайтынын айтты. Ол тауарлардың бағасы 15%-дан жоғары болмауы керек.

«Бізің қоғам өте үлкен. Онда әртүрлі қабаттар бар. Біреу үнемі шағымданады, кім екенін нақты айтыңызшы?», –  деді вице-премьер ұн бағасына қатысты шағымдар әлі де орынды ма деген сұраққа.

Сондай-ақ үкімет басшысының орынбасары бір келі ұнның бағасы қанша екенін айта алмады.

 

Өзге де жаңалықтарды оқу үшін Telegram арнамызға жазылыңыз!