Облыстық жастар ресурстық орталығында Қызылорда облысының белсенді жастары, ҮЕҰ өкілдері, аудандық ЖРО директорлары, жастар саясатының үздіктерінің қатысуымен «Армандардан іске: жастардың бастамашылдығы» облыстық жастар форумы өтті.
Форум аясында «Жастар және мемлекеттік басқару: Болашақ көшбасшылары», «Шығармашылық және креативті тұлға: Жастардың өзін-өзі дамыту жолдары» және «ІТ революциясы: Әлемді өзгертетін жаңа технологиялар» тақырыптарында диалогтық алаңдар жүргізілді. Сонан соң өңіріміздегі жас кәсіпкерлер мен шығармашыл жастардың көрмесі арнайы қойылды.
Форум Қызылорда облысы әкімінің орынбасары Шахмардан Баймановтың қатысуымен пренарлық отырысымен жалғасты. Белсенді жастар ҚР Мәдениет және ақпарат министрлігінің Жастар және отбасы істер комитеті төрағасы және Қызылорда облысы әкімі атынан алғыс хатымен марапатталды. Жастар форумының қорытынды кеші ретінде елге танымал өнерпаздардың қатысуымен гала концертке ұласты.
Өзге де жаңалықтарды оқу үшін Telegram арнамызға жазылыңыз!