Мектепте жас мұғалімдерді қолдаудың жаңа форматы енгізілмекНҰР-СҰЛТАН. ҚазАқпарат – Мектеп пен колледждерде директорлардың тапшылығы байқалып отыр.
Бұл туралы педагогтердің республикалық тамыз конференциясында Оқу-ағарту министрі Асхат Аймағамбетов айтты, деп хабарлайды ҚазАқпарат тілшісі.
«Алдағы уақытта мамандығы бойынша жұмыс бастайтындарға арналған жаңа жоба іске қосылады. Яғни, мектепке жаңадан келген әріптестеріміз үшін жыл бойы мамандықты меңгеру бағытында жеке бағдарлама болады. Олардың әрқайсысына жетекшісі бекітіледі. Осы орайда оқу жылы барысында жас маманға қолдау көрсетіледі. Жыл қорытындысы бойынша ары қарай жүргізілетін жұмыс жайында шешім қабылдаймыз. Яғни, жас маман жүктелетін қызметті толықтай орындауы үшін тиісті көмек көрсетіледі», – деді А. Аймағамбетов.
Оның айтуынша, осы бағытта шетел тәжірибесі назарға алынатын болады.«Шетелде жас маман келсе, оған сабақтар бойынша толық жүктеме берілмейді. Оның біліктілігін арттыруға көбірек мән беріледі және жас маман оқу орнындағы әріптестерінің сабағына қатысады.
Дегенмен, осы жас мұғалімге толық жалақы төленеді. Алдағы жылдан бастап осы тектес жүйені елімізде енгізбекпіз», – деді ведомство басшысы.Бұдан бұрын хабарланғандай, Қазақстанда оқу үлгерімі төмен оқушылар үшін арнайы жоба іске қосылады.
Өзге де жаңалықтарды оқу үшін Telegram арнамызға жазылыңыз!