Егемен.кз Жазушы-публицист Марат Бәйділдаұлы (Тоқашбаев) биыл 20 сәуірде Қазақстанның қорғаныс министрі Руслан Жақсылықовтың журналистер сұрағына қазақ тілінде жауап беруден бас тартқанын еске салды.
Сол кезде ведомство басшысы: «Білесіздер ме, қараңыздар, біздің Тұңғыш Президент, Елбасы былай деді: «100 қазақ тұрған ортада әлде бір басқа тілді адам болса, біз біреудің көңілін қалдырып алмау үшін орыс тіліне ауысамыз», – деген.
Қазақстан Республикасы Қарулы Күштерінің, басқа да әскерлері мен әскери құралымдарының ішкі қызмет жарғысының 14-бабында: «Әрбір әскери қызметшінің борышы – Қазақстан халқы бірлігінің маңызды факторы болып табылатын мемлекеттік тілді меңгеру», – деп атап көрсетіліпті.
Түсінбейтіндерге Уставтың орысшасын да келтірейін: «Долг каждого военнослужащего – овладение государственным языком, являющимся важнейшим фактором консолидации народа Казахстана», – дейді қаламгер.Оның пайымынша, осыдан-ақ министрдің бойында мемлекетшілдік қасиет тапшы екендігі байқалып тұр.
Егер ол өз ұлтын, өз Отанын шын сүйетін болса көрші мемлекеттің тілінде емес өз мемлекетінің тілінде сөйлер еді. Сонда патриоттық қасиеті кемшін, әскери Уставты білмейтін адам қалай Қазақстан Қарулы Күштерін басқарып отыр?
Өзге де жаңалықтарды оқу үшін Telegram арнамызға жазылыңыз!