4 өңірде мектептер оқу жылына кешіктіріп берілуі мүмкін , деп хабарлайды ҚазАқпарат тілшісі.
«Жаңа оқу жылының басталуына екі апта қалды. Оған дейін 81 жаңа мектеп ашу жоспарлануда. 213 мектеп толық жөндеуден өтеді. Сонымен қатар, Батыс Қазақстан, Түркістан, Алматы облыстарында және Алматы қаласындағы бірқатар білім ошақтарында жөндеу жұмыстарының аяқталмай қалу қаупі бар. Сондықтан, аталған өңірлер шұғыл шаралар қабылдап, жаңа оқу жылына дайындықты толық көлемде қамтамасыз етуі керек. Бұл жоспарланған мектеп құрылысына да қатысты», – деді Үкімет басшысы.
Сондай-ақ ол өңір әкімдіктеріне білім беру ұйымдарының бейне бақылау жүйелерін ішкі істер органдарының Жедел басқару орталықтарына шығаруды жеделдетуді тапсырды.
«Сонымен қатар, мектептерді күзетуге лицензияланған ұйымдарды тарту жөніндегі талаптардың сақталуын қамтамасыз етсін. Оқу-ағарту министрлігі Ішкі істер министрлігімен бірлесіп, білім беру бағдарламасына Жол қозғалысы ережелерін үйретуді міндетті түрде енгізу және жұмыс істеп жүрген инспекторларды осы жұмысқа тарту мәселесін қарасын», -деді Әлихан Смайылов
Өзге де жаңалықтарды оқу үшін Telegram арнамызға жазылыңыз!