Қызылорда облысының мәдениет, архивтер және құжаттама басқармасының Ә.Тәжібаев атындағы облыстық әмбебап ғылыми кітапханасында өскелең ұрпақты ұмыт бола бастаған ауыз әдебиеті жауһарларының қомақты құрамдас бөлігі саналатын батырлар жырымен сусындату мақсатында «Батырды ұлықтау – тарихымызды ұмытпау» атты облыстық байқау ұйымдастырылды.
Байқаудың І кезеңі аудан және қала орталықтарында 1-15 наурыз аралығында өткізілді. Байқауға облыс көлеміндегі 5-9 сынып оқушылары қатысты. Бірінші кезеңнің қорытындысы бойынша жеңімпаз деп танылған 12 оқушы облыстық байқауға жолдама алды.
Қатысушылар әр ауданға бөлінген батырлар жырларын жатқа айту бағыты бойынша сынға түсті. Байқаудың қорытындысы бойынша бас жүлдені Сырдария аудандық Абай атындағы №130 орта мектептің 9 сынып оқушысы Ж.Толыбек, І орын жеңімпазы Жалағаш аудандық Т.Жүргенов атындағы №123 мектеп-лицейінің 6 сынып оқушысы Ж.Мырқы, ІІ орын жеңімпазы Шиелі аудандық Ы.Жақаев атындағы №244 қазақ орта мектебінің 5 сынып оқушысы Н.Сламхан, ІІІ орын жеңімпазы С.Лапин атындағы №261 мектептің 6 сынып оқушысы Д.Кеңесбай және Қазалы аудандық Жанқожа батыр атындағы №70 мектептің 7 сынып оқушысы Б.Қанибай жеңіп алып, арнайы дипломдармен және сыйлықтармен марапатталды.
Өзге де жаңалықтарды оқу үшін Telegram арнамызға жазылыңыз!