Фото: piхabay.com
Оқу-ағарту министрлігі 2024 жылдың қыркүйегінде 300 мыңға жуық колледж студентінің шәкіртақысы 50% өсетінін мәлімдеді. Бұл туралы Stan.kz ақпарат агенттігі хабарлайды.
«Колледж студенттері қазіргі 31 422 теңгенің орнына 41 896 теңге алады. Жұмысшы біліктілігі бар студенттер үшін шәкіртақы 32 681 теңгеден 43 574 теңгеге дейін көтеріледі», – деді Техникалық және кәсіптік білім бас сарапшысы Дархан Сатанов.
Сонымен қатар мемлекеттік тапсырыс бойынша оқитын студенттерге тамақ пен жолақы сияқты әлеуметтік қолдау көрсетіледі.
Еліміздегі колледждерде барлығы 542 мың студент оқиды. Оның 344 мыңы тегін техникалық және кәсіптік біліммен қамтылған.
Бұған дейін 2021 жылдан бастап Қазақстанда стипендия мөлшері бакалавриат үшін 20%, магистратура және докторантура үшін 15% артып келе жатқанын жазған едік.
Өзге де жаңалықтарды оқу үшін Telegram арнамызға жазылыңыз!