Қорқыт ата атындағы Қызылорда университетінде философия ғылымдарының докторы, профессор Баймырза Қожамберлиев атындағы дәрісхана ашылды.

Дәрісхананың лентасын Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова, философия ғылымдарының докторы, профессор Баймырза Қожамберлиев және арнайы қонақ Айтжан Қожамберлиев қиды.
Салтанатты іс-шараға зиялы қауым өкілдері, ардагер ұстаздар, ғалымның жақындары мен шәкірттері, университеттің профессор-оқытушылары және білім алушылар қатысты.

Шараның мақсаты – университеттің дамуына, болашақ мамандардың сапалы білім алуына зор үлес қосқан қадірлі ұстаздарға құрмет көрсету. Бұл – игілігі мол, рухани, үлгі тұтарлық дәстүрлі шара.

Кездесуде Қызылорда Жастар театрының жетекшісі, режиссер Оңталап Нұрмахановтың «Фарабидің жастық шағы» театрландырылған қойылымынан үзінді қойылып, Қазақстан жазушылар одағының мүшесі, талантты ақын Ақжол Түменбай мерейтой иесіне арнауын арнады. Сондай-ақ, Қорқыт ата атындағы Қызылорда университетінің «Дәстүрлі музыка өнері және хореография» білім беру бағдарламасының аға оқытушысы, мәдениет саласының үздігі, жыршы Марат Сүгірбай Қорқыт күйін орындады.
Жиында профессордың қызы Біріккен Ұлттар Ұйымының Даму Бағдарламасы аясында департамен директоры Айнұр Баймырзақызының дәрісханаға демеушілік жасағанын ескере отырып «Қорқыт Ата атындағы Алтын медальмен» марапаттады.

Айта кету керек, университеттегі демеушілер есбінен ашылып жатқан жиырма бірінші дәрісхана.

Дереккөз: Қорқыт ата атындағы Қызылорда университеті

 

Өзге де жаңалықтарды оқу үшін Telegram арнамызға жазылыңыз!