Қызылорда қаласындағы Назарбаев Зияткерлік мектебінің үш оқушысы IESO-2022 халықаралық олимпиадасының республикалық кезеңінде қола жүлдегері атанды.
IESO-2022 – Жер туралы ғылымдар байқауы.Жыл сайын еліміздің түкпір-түкпірінен жиналған оқушыларгеология, геофизика, метеорология, мұхиттану, астрономия пәндерінен бақ сынайды. Сыр өңірінен Тоғжан Марат (жетекшісі Абзал Іскендір), Ақжанар Абдикаримова (жетекшісі ЕркінЖомартов) және Сымбат Жәнібек (жетекшісі Мұхтар Әбілмаев) NIS-тің намысын қорғады. Жас зияткерлер небәрі 3 ұпай есе жіберіп, жеңіс тұғырының 3-сатысынан көрінді.
«Бұл олимпиадаға алғаш ретқатыстым. Жер туралығылым мені ерекше қызықтырады, әсіресе ғаламшардың пайда болу тарихын, сыры мен проблемалары нзерттеуге әуеспін. Дайындық барысында мен өзім үшін көптеген жаңалықтар ашып, болашақта қажет болатын жаңа ілім мен ақпарат алдым деп айта аламын», – дейді Ақжанар.
Айта кетейік, зияткерлік мектеп оқушылары – бұл білім додасының жыл сайынғы қатысушысы. Бұған дейін мектеп мақтаныштары Жангерей Зинелов пен Данагүль Келдібай олимпиаданың барлық іріктеу кезеңдерінен сәтті өтіп, халықаралық аренада қола медал ниеленген болатын.
Өзге де жаңалықтарды оқу үшін Telegram арнамызға жазылыңыз!