Білім саласының мамандарымен кездескен Саясат Нұрбек болашақта әлемдік еңбек нарығында қандай тіл танымалдыққа ие болатынын айтты, деп хабарлайды ҚазАқпарат тілшісі.
«Қазір әлем халқының саны 8 млрд-тан асты. Биыл Үндістан ресми түрде халқы ең тығыз орналасқан ел атанды. Ал таяу жылдары тұрғындары миллиардтан асады деп болжанған үш мемлекет бар. Олар – Индонезия, Нигерия және Африка. Таяу келешекте еңбек нарығының басым бөлігін Африка халқы құрайды. Ал 2050 жылға қарай әлем бойынша 35 жасқа толмаған жұмыс күшінің жартысы Африка үлесінде болмақ. Осыған байланысты алдағы уақытта француз және араб тілдері танымал болады. Осыны ескеріп, ниет болса балаларыңызға қосымша француз тілін оқытсаңыздар болады», – деп зерттеулерге негізделген болжаммен бөлісті ҚР Ғылым және жоғары білім министрі Саясат Нұрбек.
Сарапшылармен кездесу барысында министр цифрландыру процесінің еңбек нарығына тигізетін теріс әсерін баяндады.
Бұдан бөлек, ол екі жыл онлайн оқудың зардабы ондаған жылдарға созылатынын мәлімдеді.
Өзге де жаңалықтарды оқу үшін Telegram арнамызға жазылыңыз!