«Motivation to Learn: English Language Program for 5th-7th Grades» – бұл бағдарлама оқушылардың ағылшын тілін үйренуге деген ынтасын арттыруға бағытталған. Бағдарламаның басты ерекшелігі – мотивациялық оқыту әдістерін қолдану, яғни оқушылардың қызығушылығын ояту, олардың жеке қажеттіліктерін ескеру және оқу процесін тиімді әрі қызықты ету.
Қазіргі таңда ағылшын тілі ғаламдық қарым-қатынас, білім алу және мансаптық даму үшін маңызды құрал болып табылады. Алайда, көптеген оқушылар тілді үйрену барысында түрлі қиындықтарға тап болады.
Мотивацияның төмендігінен оқушылардың ағылшын тілін не үшін үйреніп жатқанын толық түсінбейді. Тілді қолдану мүмкіндігінің шектеулігі – мектеп бағдарламасында көбінесе теорияға баса назар аударылып, сөйлеу дағдылары жеткілікті деңгейде дамымайды. Өзін-өзі бағалаудың төмендігі – кейбір оқушылар ағылшын тілінде сөйлеуден қорқады немесе өз біліміне сенімсіздік танытады. Осы проблемаларды шешу үшін бұл бағдарлама мотивациялық стратегияларды, интерактивті оқыту әдістерін, практикалық тапсырмаларды және қолданбалы жобаларды біріктіреді.
Бұл бағдарлама тіл үйренуді тек теориялық білім ретінде емес, шынайы өмірге қажетті дағды ретінде дамытуға бағытталған. Оқушылар мотивациялық әдістердің көмегімен өз бетінше оқу дағдыларын дамытады, ағылшын тілін қолдануға деген сенімділігі артады және оны күнделікті өмірде қолдануға үйренеді.
Бағдарламаның мақсаты:
Бұл бағдарлама 5–7 сыныпоқушыларының ағылшын тілін үйренуге деген қызығушылығын арттыруға және олардың тілдік дағдыларын кешенді түрде дамытуға бағытталған. Бағдарлама оқушылардың мотивациясын көтеру арқылы тіл үйрену үдерісін жеңіл әрі қызықты етуге негізделген. Ол оқушылардың коммуникативтік құзыреттілігін арттырып, ағылшын тілін күнделікті өмірде тиімді қолдана алуына мүмкіндік береді.
Бағдарламаның міндеттері:
- Оқушылардың ағылшын тілін меңгеруге деген қызығушылығын ояту және қолдау;
- Тыңдалым, айтылым, оқылым және жазылым дағдыларын кешенді түрде дамыту;
- Геймификация элементтерін қолдану арқылы оқушылардың белсенділігін арттыру;
- Тілдік материалды шынайы өмірлік жағдаяттармен байланыстыру;
- Интерактивті технологияларды пайдалану арқылы оқыту сапасын жақсарту;
- Оқушылардың жеке оқу траекториясын қалыптастыру;
- Шығармашылық тапсырмалармен топтық жұмыстар арқылы коммуникативтік дағдыларды жетілдіру;
- Оқушылардың өз бетімен білім алу дағдыларын дамыту.
Бағдарлама 34 академиялық сағатқа есептелген және келесі негізгі бөлімдерден тұрады:
- Introduction to Motivation-Based Learning – Тіл үйренуге деген мотивацияны қалыптастыруға арналған кіріспе сабақтар;
- Interactive Grammar and Vocabulary Building – Грамматика мен сөздік қорды ойын арқылы меңгеру және қолдану;
- Speaking and Listening Through Real-Life Contexts – Тыңдалым мен айтылым дағдыларын дамыту үшін шынайы өмірлік жағдайларды қолдану;
- Reading and Writing Strategies for Effective Communication – Оқылым мен жазылым дағдыларын дамытуға арналған стратегиялар;
- Project-Based Learning and Creative Tasks – Жобалық жұмыс және шығармашылық тапсырмалар арқылы оқыту;
- Final Assessment and Motivation Reflection – Қорытынды бағалау және мотивациялық рефлексия арқылы оқушылардың жетістіктерін талдау.
Бағдарламаның ерекшеліктері:
- Оқушылардың қажеттіліктеріне негізделген тұлғаға бағытталған оқыту;
- Оқу үдерісін қызықты ету үшін мультимедиялық материалдарды, онлайн ресурстарды және интерактивті платформаларды пайдалану;
- Оқушылардың өз жетістіктерін бақылау және бағалау мүмкіндігі;
- Командалық жұмыстар мен жеке тапсырмалардың үйлесімділігі;
- Оқушылардың креативтілігін дамытуға бағытталған ойын элементтерімен шығармашылық тапсырмалар;
- Өзін-өзі бағалау және рефлексия арқылыбілімдіжүйелеу.
Күтілетін нәтиже:
Бағдарламаны аяқтағаннан кейін оқушылар ағылшын тілінде қарым-қатынас жасау дағдыларын жетілдіріп, тіл үйренуге деген қызығушылығын арттырады. Сонымен қатар олар шынайы өмірде қолдануға болатын практикалық дағдыларды меңгеріп, өз ойларын еркін жеткізе алатын болады. Бағдарлама барысында оқушылар сыни ойлау, өздігінен білім алу және өзін-өзі дамыту дағдыларын қалыптастырады. Бұл бағдарлама ағылшын тілін үйрену үдерісін мотивациялық тұрғыдан қолдап, оқушыларға өзін-өзі дамытуға және тілдік кедергілерді жеңуге мүмкіндік береді.
Өзге де жаңалықтарды оқу үшін Telegram арнамызға жазылыңыз!