Қорқыт ата атындағы Қызылорда университеті жыл сайын халықаралық білім беру ортасындағы беделі мен бәсекеге қабілеттілігін арттырып келеді.
Жақында Тұрақты даму мақсаттарына қол жеткізу бойынша әлемдегі үздік университеттердің рейтингі – 2025 нәтижелері жарияланды.
Қорқыт ата атындағы Қызылорда университеті алғаш рет рейтингтен орын алып, әлемнің 107 елінен 1744 жоғары оқу орнының ішінде 1401-1450 позициясын, Азияның 661 жоғары оқу орынының ішінде 503-орынды, 17 қазақстандық жоғары оқу орынының арасында 12-позицияны иеленді.
Университеттердің рейтингі 3 негізгі критерий бойынша жүзеге асырылды:
- қоршаған ортаға әсер ету (1001+ позициясы);
- әлеуметтік әсер (1001+ позициясы);
- басқару (435 позиция).
Университеттің әлемдік деңгейге шығуы – халықаралық деңгейдегі жоғары сапалы білім алу мүмкіндігін ұсынады. Әлемдік талаптарға сай білім беру бағдарламалары мен халықаралық ынтымақтастықтың күшеюі профессор-оқытушылар мен білім алушылардың жаңа белестерді бағындыруына жол ашады.
Өзге де жаңалықтарды оқу үшін Telegram арнамызға жазылыңыз!