Әлемдегі жағдайға қарамастан шетел асып, оқуға аттанып жатқандар жеткілікті. Өйткені шетелде білім алу – алға ұмтылудан талмайтын әр адамның арманы. Оны іске асыру үшін виза жасау, шығындар сияқты түрлі қиындықтарға тап боламыз. Дегенмен түрлі гранттар мен шәкіртақы бөлетін бағдарламалар бар. Олар оқу ақысын, кейде тұрғылықты жер, құжаттарды рәсімдеу мен жол ақысын өтейді. Оны бакалавр, магистрлар және аспиранттар да пайдалана алады. Бүгін осы жаз бен күзде тапсыруға болатын бағдарламаларды ұсынамыз.

Dalhousie University

Ел: Канада

Дедлайн: 1 тамыз

Университет шетелдік сту­дент­тердің Abdul Majid Bader Gra­duate Scholarship шәкіртақы бағ­дар­ла­ма­сын ұсынады. Оны магистра­тура немесе аспирантура бағдар­ла­ма­ларында білім алып жатқан ше­телдік студент ала алады. Ең көп шәкіртақы мөлшері жылына — 40 000 доллар. Шәкіртақы студенттің оқу үлгеріміне сәйкес созылуы мүм­кін. Университет өнер, физика, со­циология, саясаттану, тіл және эко­номика салалары бойынша түрлі білім бағдарламаларын ұсынады.

Leibniz Institute of European History

Ел: Германия

Дедлайн: 15 тамыз

Лейбниц атындағы Еуропа та­ри­хы институты жас зерттеуші­лер­ге (докторант) арналған шәкірт­ақы ұсынады. Оны жергілікті ай­мақ­тан келген студенттер ғана емес, шетелдіктер де ала алды. Еуропа­ның діни, саяси, қоғамдық және мәдени тарихына зерттеу жүргізіп жатқан студенттер ала алады. Шә­кіртақы мөлшері айына – 1350 еуро. 

Schwarzman Scholars

Ел: Қытай

Дедлайн: 2021 жылдың қыркүйегі

Schwarzman Scholars бағдарла­масы халықаралық қарым-қатынас саласында жас көшбасшыларды да­йындау мақстында құрылған. Әлем­нің үздік студенттері өздерінің кәсіби әрі көшбасшылық дағдыларын Пе­кин­дегі Цинхуа университетінде ма­гистратура оқу арқылы жетілдіре алады. Университет Қытайдың үз­дік университеттерінің қатарына кі­ре­ді. Бағдарламаға 18-28 жас ара­лығындағы магистрант қатыса алады. Ал дедлайн уақыты 2021 жыл­дың тамыз айында нақты белгілі болады.

DAAD Doctoral Programmes in Germany

Ел: Германия

Дедлайн: 29 қазан

Жоғары білікті мамандар, соның ішінде магистр деңгейі бар жастар жеке зерттеу жобасын дайындау үшін шәкіртақы ала алады.  Қаржы­ландыру уақыты шамамен төрт жыл. Ай сайын шәкіртақы мөлшері маманның академиялық деңгейіне сәйкес беріледі. Магистрлерге ай сайын 861 еуро берілсе, докта­рант­тар 1200 еуро алады.

The University of Sydney

Ел: Аустралия

Дедлайн: 30 қыркүйек

Сидней университеті өнер, қо­ғам­дық ғылымдар, сәулет өнері, бизнес, білім, информатика салала­ры бойынша білім алып жатқан ма­гистратура және  PhD  студенттері арасында шәкіртақыға байқау жа­рия­лайды. Шәкіртақы мөлшері – 28 596 доллар.

 

Өзге де жаңалықтарды оқу үшін Telegram арнамызға жазылыңыз!