фото: baq.kz-архив
Бұл туралы Астанада Сенат жанындағы мәслихаттармен өзара іс-қимыл жөніндегі кеңестің кеңейтілген отырыста спикер Мәулен Әшімбаев айтты, деп хабарлайды BAQ.KZ тілшісі.
Спикер әлеуметтік саланы дамытуға да мәслихат депутаттарын жұмылдыру аса маңызды екенін айтты.
Мемлекет басшысы атап өткендей, бюджет қаражаты азаматтардың өмір сүру сапасына тікелей әсер ететін мақсаттарға бағытталуы керек.
Бюджеттегі қиындықтарға қарамастан, мемлекет өзінің барлық әлеуметтік міндеттемелерін толық орындап отыр. Жыл сайын зейнетақы мен жәрдемақыға индексация жасалады. Шәкіртақы мен бюджеттік ұйым қызметкерлерінің жалақысы да өсіп келеді, – деді Әшімбаев.
Сонымен қатар әлеуметтік инфрақұрылымды дамыту бағыты бойынша Мемлекет басшысының тапсырмасына сәйкес “Жайлы мектеп” ұлттық жобасы іске асырылып жатыр.
Биыл 200-ге жуық мектеп ашылады. Үш жылдың ішінде 1300 мектеп жаңғыртылады. Ауылдық жерлердегі денсаулық сақтау жөніндегі ұлттық жоспар аясында соңғы жылдары 263 медициналық нысан бой көтерді. Биыл жыл соңына дейін осындай тағы 188 нысан пайдалануға беріледі.
Өзге де жаңалықтарды оқу үшін Telegram арнамызға жазылыңыз!