Жаз айлары – мектеп оқушылары үшін ерекше ықыласпен күтілетін уақыт. Себебі ол баланың тұлға ретінде қалыптасуына, дүниетанымының кеңейіп, рухани дамуына тікелей әсер етеді. Сондықтан түрлі бағыттағы іс-шараларға тарту арқылы тәрбиелеу маңызды. Жалағаш ауда­нындағы оқушылар үйі осы үдеден шығуды көздейді.
Жуырда мұнда «Жұлдыз бала» шығармашылық-шеберлік шеруі өтті. «Шебер қолдар», «Бейнелеу өнері», «Жас Ұлан» және «Эстрадалық әндер» үйірмесінің мүше­лері өз шығармашылығынан көрме ұйымдастырып, әннен шашу шашты. «Қауіпсіз саябақ» акциясы барысында балалар жетекшімен бірге «Жеңіс», «Астана» саябақтарына саяхат­тап, ескерткіштердің тарихымен танысты.
Зияткерлік ойындарда шыңдалып, «Мұражайлық калейдоскоп» әлемдік мұражайға онлайн саяхат ұйымдастырылды. «Бала brain»зияткерлік мега ойыны және «Мейірімділіктің сиқырлы күші» жазғы онлайн оқуларын өткізу де қолға алынды.

 

Өзге де жаңалықтарды оқу үшін Telegram арнамызға жазылыңыз!