Астананың Бас мемлекеттік санитария дәрігері Айгүл Шағалтаева «Санитариялық індетке қарсы іс-шараларды жүргізу туралы» қаулыға қол қойды, – деп хабарлайды Massaget.kz тілшісі.

Құжатқа сәйкес бірқатар шара енгізілді:

  • поликлиникалар мен стационарлардың жұмысын күшейту;
  • науқастарды оқшаулау;
  • қабылдау кабинеттерін кеңейту;
  • маска тағу режимін сақтау;
  • вирусқа қарсы препараттардың қорын толықтыру.

Сондай-ақ, 20 қарашадан 5 желтоқсанға дейін сыныптағы оқушылар санының 30 пайызы және одан да көбі ЖРВИ-мен ауырса, қашықтан оқыту форматына ауыстыру, т.б. шаралар қарастырылған.

Айта кетейік, кейінгі аптада елордада 23 002 ЖРВИ жағдайы тіркелген. Бұл 30 қазан – 5 қараша аралығындағы көрсеткішпен салыстырғанда 1,5 есе көп. Науқастардың 60 пайызы – 14 жасқа дейінгі балалар.

 

Өзге де жаңалықтарды оқу үшін Telegram арнамызға жазылыңыз!