Жол-көлік оқиғасы бүгін, 30 мамырда жергілікті уақытпен сағат 19:20 шамасында болған.
Фото: ҚазАқпарат
Атырауда КамАЗ көлігі велосипедпен келе жатқан 6 жасар баланы қағып кетті. Балақай оқиға орнында мерт болды, деп хабарлайды ҚазАқпарат тілшісі.
Жол-көлік оқиғасы бүгін, 30 мамырда жергілікті уақытпен сағат 19:20 шамасында болған.
Бұл деректі Атырау облыстық полиция департаментінің баспасөз қызметі растады.
«Атырау қаласының Жұлдыз-2 шағынауданында КамАЗ жүк көлігі велосипедпен келе жатқан 6 жасар баланы қағып кеткені анықталды. Көлік қаққан бала оқиға орнында мерт болды. Аталған жол-көлік оқиғасына қатысты іс-құжаттар жинақталып жатыр», -деп хабарлады департаменттің баспасөз қызметі.
Полиция қызметкерлері жазғы демалыс кезеңі жақындағандықтан ата-аналарға балалар қауіпсіздігін қадағалауды ескертіп отыр.
Қауіпсіздіктің басты талабы – жол қозғалысы ережесін сақтау.
Өзге де жаңалықтарды оқу үшін Telegram арнамызға жазылыңыз!