Денсаулық сақтау министрлігі шетелде инфекциялық аурулардан қалай сақтануға болатынын айтты, – деп хабарлайды Massaget.kz тілшісі.

Министрлік мәліметінше, туристердің артуына байланысты Қазақстанға жат қауіпті инфекцияларды елге әкелу қаупі артады.

Ылғалды климатқа және тропикалық аурулардың жоғары концентрациясына байланысты қауіпті өңірлер:

  • Африка,
  • Оңтүстік Америка,
  • Оңтүстік-Шығыс Азия.

Жұқтыру жолдары:

  • Ластанған су және тамақ,
  • Масалардың шағуы,
  • Науқастармен байланыс,
  • Жыныстық жол.

Инфекциялардан қалай сақтану керек?

Тырысқаққа қарсы (Үндістан, Африка, Йемен және т. б.):

  • Күмәнді сападағы суды ішпеу,
  • Тек бөтелкедегі/қайнатылған суды ішу,
  • Көкөністерді/жемістерді жуып, қайнаған су құю,
  • Дәретханадан кейін, тамақтанар алдында және т. б. қолды сабынмен жуу.

Безгекке, Денгеге  қарсы және т. б. (Африка, Азия, Латын Америкасы):

  • Жабық киім кию,
  • Репелленттерді қолдану,
  • Москит торларын қою,
  • Фумигаторлар мен аэрозолдерді қолдану.

Фактілер мен статистика:

  • 17 өткізу пункті санитариялық-карантиндік бақылаумен қамтамасыз етілген,
    күн сайын ҚР шекарасынан 50 000 адам өтеді,
  • 5 айда: 2,6 миллион адам, температурасы бар 43 жолаушыға көмек көрсетілді.

Сапар алдындағы кеңестер:

  • Баратын елдегі эпидемиологиялық жағдайды зерттеңіз,
  • Дәрігерден профилактикалық консультация алыңыз,
  • Жолға негізгі қорғаныс жиынтығын алыңыз.

 

Өзге де жаңалықтарды оқу үшін Telegram арнамызға жазылыңыз!